هەرێم نیوز
بەڕێوەبەرایەتی گشتی ئۆپراسیۆنەکانی دەزگای ئاسایشی هەرێم ڕایگەیاند، ژن و پیاوێکیان دەستگیرکردووە کە لە پارێزگای دیالە منداڵێکی خاوەن پێداویستی تایبەتیان کوشتووە.
لە ڕاگەیەندراوەکەدا هاتووە: ٢٠٢٥/٨/٧ دوای بڵاوبونەوەی هەواڵی کوشتنی منداڵێکی خاوەن پێداویستی تایبەت لەپارێزگای دیالە، لەلایەن ژن و مێردێکی بەخێوکەر و هەڵاتنی تۆمەتباران بەرەو هەرێمی کوردستان، بەپێدانی زانیاری هەواڵگری لەلایەن (خلية الصقور)ی پارێزگای کەرکوک سەر بە هەواڵگری عێراق، دەستبەجێ بەڕێوەبەرایەتی گشتی ئۆپراسیۆنەکان ئاسایش بەدواداچوون و لێکۆڵینەوەی وردی بۆ دۆزینەوەی شوێنی تۆمەتباران ئەنجامدا.
دەشڵێت، بەبڕیاری دادوەری لێکۆڵینەوەی ئاسایش، توانیان شەوی ٢٠٢٥/٨/١٠ لەقەزای چەمچەماڵ هەردوو تۆمەتباری داواکراو دەستگیربکەن و بەپێ ی تایبەتمەندی کەیسەکە دوای لێکۆڵینەوە هەردوو تۆمەتباری بکوژ ڕادەستی هێزە ئەمنیەکانی عێراق دەکرێنەوە.
ئاماژە بەوەش کراوە: لە ئێستادا تۆمەتباران بە ماددەی(٤٠٥) لەیاسای سزادانی عێراقی ڕاگیراون و لێکۆڵینەوە لەدۆسیەکانیان بەردەوامە.