هەرێم نیوز
بنیامین ناتانیاهۆ، سەرۆکوەزیرانی ئیسرائیل ڕایگەیاند، ئیسرائیل بەنیازە تەواوی غەززە کۆنترۆڵ بکات.
ناتانیاهۆ بە فۆکس نیوزی وتووە: “ئێمە نامانەوێت غەززە بهێڵینەوە، بەڵکو ناوچەیەکی سەلامەتمان دەوێت”.
ئەمە لە کاتێکدایە بڕیارە ڕۆژی پێنجشەممە کابینەی باڵای ئەمنی ئیسرائیل کۆببێتەوە و تاوتوێی فراوانکردنی شەڕی غەززە بکات.
بەگوێرەی کەناڵی 12ئیسرائیل و میدیاکانی دیکەی ئەو وڵاتە، پلانەکە ئەگەر پەسەند بکرێت، لە ماوەی چوار بۆ پێنج مانگدا دەچێتە بواری جێبەجێکردنەوە و دەستبەسەرداگرتنی تەواوەتی شاری غەززە و ئۆردوگا ناوەندییەکانی ناوچەکە دەگرێتەوە.
لە قۆناغی یەکەمدا دانیشتوانی شاری غەززە (نزیکەی یەک ملیۆن کەس) ناچار دەبن ماڵەکانیان بەجێبهێڵن و بچنە ناوچەی ماواسی لە باشوور.