هەرێم نیوز
شارەزایەکی كەشناسی ڕاگەیاند: "درەنگانی ئەمشەو بروسکەی زۆر بەهێز و تاوەبارانی بەخوڕی بەهاری و بارینی تەرزە دەستپێدەکات".
هەڤاڵ سدیق گەڵۆزی، شارەزای كەشناسی لە بڵاوکراوەیەکدا ڕایگەیاند: " ئەگەری چالاکبوونی هەورە بروسکەی زۆر بەهێز و تاوەبارانی بەخوڕی بەهاری و بارینی تەرزە هەیە لەبەشێکی زۆر ناوچەکانی دهۆک و هەولێر و باکوووری کەرکووک و موسڵ و ئیدارەی زاخۆ و ئیدارەی ڕاپەڕین و سلێمانی و هەڵەبجە و بەشێک لەناوچەکانی گەرمیان".
هۆشداریش دەداتە هاووڵاتییان و دەڵێت: "ئامۆژگاری هاووڵاتییان دەکرێت کە بۆ ئەوەی تەرزە زیان بە ئۆتۆمبێلەکانیان نەگەیەنێت دایپۆشن".
لەلایەکی دیکەوە، ئاراس جەبار شارەزای كەشناسی هۆشداری بارینی تەرزەی قەبارە گەورە دەدات و گووتی: "لە سنووری ئیدارەی سۆران و ناوچە شاخاوییەکانی ئیدارەی راپەرین ئەگەر ھەیە ھەندێک کات تەرزەی بە قەبارە گەورە ببارێت".