هەرێم نیوز 

سەرۆکی فەرەنسا دەڵێت" فەرەنسا پشت لە جەنگاوەرانی ئازادیی وەکو کورد ناکات کە شەڕی دژی گرووپە تووندئاژۆکان لە سووریا دەکەن".

ئیمانوێل ماکرۆن، سەرۆکی فەرەنسا ئەمڕۆ دووشەممە ٦ی کانونی دووەمی ٢٠٢٤ لە وتەیەکیدا بۆ دیپلۆماتکاران و باڵیۆزەکانی وڵاتەکەی رایگەیاند" نابێت ساویلکانە بڕوانینە گۆڕانی رژێم لە سووریا."

سەرۆکی فەرەنسا شەڕڤانانی کوردی لە رۆژئاوای کوردستانی بە "جەنگاوەرانی ئازادی" ناوی برد و دەڵێت" فەرەنسا پشت لە جەنگاوەرانی ئازادیی وەکو کورد ناکات کە شەڕی دژی گرووپە تووندئاژۆکان لە سووریا دەکەن."

لەبارەی پرسی ئێران لە رۆژهەڵاتی نێوەڕاست، ماکرۆن رایگەیاند، "ئێستا، ئێران ئاڵنگاریی سەرەکی و ستراتیژییە بۆ فەرەنسا، بۆ ئەورووپییەکان و تەواوی ناوچەکەش."

هەروەها ماکرۆن ئاماژەی بەوەش دا، پرسی ئێران بابەتێکی سەرەکیی وڵاتەکەی دەبێت لەگەڵ ئیدارەی نوێی دۆناڵد ترەمپ، سەرۆکی هەڵبژێردراوی ئەمریکا.