هەرێم نیوز
کۆمسیۆنی هەڵبژاردنەکانی عێراق رایگەیاند، سبەی 15ی10 کۆتا دەرفەتە بۆ وەرگرتنەوەی کارتی بایۆمەتری.
کۆمیسێنی باڵای سەربەخۆی هەڵبژاردنەکانی عێراق رایگەیاند، بەیانی 15/10/2024 دواین دەرفەتە بۆ وەرگرتنەوەی کارتی بایۆمەتری.
ئاماژەی بەوەش کردووە، لە پرۆسەی هەڵبژاردنی پەرلەمانی کوردستان بۆ ئەمساڵ ١٣ کونسوڵیەو و 14 ڕێکخراوی ناوخۆیی و نێودەوڵەتی ناوی خۆیان بۆ چاودێری هەڵبژاردن تۆمارکردووە و چاودێری هەڵبژاردنەکان دەکەن.
باسی لەوەش کردووە، تا ئێستا 112 هەزار کارتی بایۆمەتری وەرنەگیراوەتەوە لەو ژمارەیە،27 هەزار لەهەولێر، 73هەزاریان لەسلێمانی و ١٢ هەزاریان لە دهۆکن.
ئەمەش لەکاتێکدایە، تاوەکو ئێستا لەسەرجەم بازنەکانى هەڵبژاردن وەرگرتنەوەى کارتى بایۆمەترى دەنگدان گەیشتوەتە زیاتر لە 90%، بڕیارە لە رۆژى 18ـى ئەم مانگە دەنگدانى تایبەت و لەرۆژى 20ـى مانگیش دەنگدانى گشتیی بۆ هەڵبژاردنى خولى شەشەمى پەرلەمانى کوردستان بەڕێوەچێت.