دواین هەواڵ

کوردستان‌

 4 رۆژ پێش ئێستا

جارێکی دیکە بۆری ئیفراز سێی هەولێر شکا

هەرێم نیوز

جارێکی دیکە بۆری ئیفراز سێی هەولێر شکا، بەڕێوەبەری ئاوی شارەکەش دەڵێت، چاککردنەوەکەی پێویستی بە 24 کاتژمێرە.

رابەر حسێن، بەڕێوەبەری ئاو و ئاوەڕۆی هەولێر رایگەیاند ، نزیکەی کاتژمێر (12:00)ی نیوەڕۆی ئەمڕۆ بۆری ئیفراز سێ-ی هەولێر لە نزیک عەنکاوە شکاوە و تیمەکانیان لە هەوڵی چاککردنەوەی بۆریەکەدان.

وتیشی، چاکردنەوەی بۆری ئیفراز سێ ماوەی 24 کاتژمێری دەوێت و تیمی پێویست و کەلوپەلی پێویست لەبەردەستدایە بۆ چاکردنەوەی.

راشیگەیاند، بەهۆی شکانی ئیفراز سێ-ەوە بۆماوەی 24 کاتژمێر زیاتر لە 20 گەڕەکی هەولێر بێئاو دەبن.

بۆریی ئاوی ئیفراز سێ، رۆژانە نزیکەی 240 ملیۆن لیتر ئاو دابیندەکات؛ ئەو بۆرییە کەوتوەتە باکووری شاری هەولێر و نزیکەی 40%ـی ئاوی شارەکە دابیندەکات.



Copyright © 2020 All Rights Reserved Designed And Developed By AVESTA GROUP