هەرێم نیوز
دەزگای ئاسایشی هەرێم رایگەیاند، هێزەکانیان تیرۆریستێکی داعشیان دەستگیرکردوە و پاش لێکۆڵینەوە ڕادەستی دادگای ئەنبار دەکرێتەوە.
دەزگای ئاسایشی هەرێمی کوردستان لە راگەیەندراوێکدا بڵاویکردەوە، "لەسەر بنەمای زانیاری هەواڵگری و بەدواداچون، بەهاوکاری ئاسایشی نیشتمانی عێراق، زانیاری بەدەستهات لەسەر تیرۆریستێکی داعش کە داواکراوە لە دادگای ئەنبار و بەمەبەستی خۆحەشاردان ڕویکردوەتە سنوری پارێزگای هەڵەبجە".
ئاماژەی بەوەشکردوە، دوای چاودێریکردن و ئاشکراکردنی شوێنی مانەوەی، شەوی 29ی ئەم مانگە لەلایەن بەڕێوەبەرایەتی ئۆپراسیۆنەکانی دەزگای ئاسایشی هەرێم، بەهاوکاری بەڕێوەبەرایەتی ئاسایشی شارەزور تۆمەتبار (ح، ک، ڕ) دەستگیرکراو پاش لێکۆڵینەوە ڕادەستی دادگای ئەنبار دەکرێتەوە.