هەرێم نیوز
شاخەوان عەبدوڵا لەبارەی گێڕانەوەی پاشەکەوتی موچەی فەرمانبەران رایگەیاند، دو رۆژ لەمەوبەر نوسراوێکی ئاڕاستەی نوسراوێکی ئاڕاستەی لیژنەی دارایی پەرلەمان کردوە بۆ ئەوەی ترلیۆنێک و 200 ملیار دینار بگوازرێتەوە لەو بڕەی کە بریتییە لە شەش ترلیون دینار و بڕیاری لەسەر دراوە بۆ مناقەلە بەکاربێت.
ئەمڕۆ سێشەممە، شاخەوان عەبدوڵا، جێگری دوەمی سەرۆکی پەرلەمانی عێراق نوسراوێکی بڵاوکردوەتەوە و نوسیویەتی، "ئەوە نوسراوی ئیمەیە کە پێش دو رۆژ رەوانەی لیژنەی دارایی پەرلەمانی عیراقمان کردوە بۆ ئەوەی بڕی ترلیۆنێک و 200 ملیار دینار بگوازرێتەوە لەو بڕەی کە بریتییە لە شەش ترلیون دینار و بڕیاری لەسەر دراوە بۆ مناقەلە بەکاربێت".
ئاماژەی بەوەشکردوە، ئێستا کاتی ئەوەیە "کۆتایی بەمزایدە بێت و هەمو ئەو کەس و لایەنانەی دەیانوت پاشکەوتی موچەمان گەڕاندەوە و سوپاسی پەرلەمانتارانی غەیرە کوردیشیان دەکرد گوایە رەزامەندییان داوە بەگەڕانەوەی بڕی 10% پاشکەوتی موچە بۆ فەرمانبەرانی هەرێم، کاتی ئەوەیە دۆستەکانتان کە دوێنێ هاوهەڵوێستیان دەردەبری تاقیان بکەنەوە بۆ پشتگیریکردن لەم نوسراوەی ئێمە و پێیان ئیمزا بکەن و دەنگی لەسەر بدەن".
باسی له‌وه‌ش کردووە، "پاشەکەوت بەتەنها نوسین لەسەر کاغەز ناگەڕێتەوە بەڵکو بەوە دەکرێت پارەی بۆ دابینبکرێت و بخرێتە سەر حسابی هەرێم، ئەگەر پارەی بۆ دابیننەکرێت حکومەتی هەرێم نەک هەر ناتوانێت پاشەکەوت بگەڕێنێتەوە، بەڵکو بەپێی ئەو بودجەی بۆی دانراوە بۆ موچە تەنها دەتوانیت موچەی 10 مانگ دابین بکات و دەبێت بگەڕێت بەدوای ئەوەی موچەی ئەو دو مانگە چۆن دابین دەکات".
رونیشیکردوەتەوە، "تەنها بڕی 9 نۆ ترلیون دینار دابینکراوە بۆ موچەی فەرمانبەرانی هەرێم، لەکاتێکدا هەرێم پێویستی بە 10 ترلیۆن و نیو دینارە بۆ دابینکردنی موچەی فەرمانبەران، فەرمون ئەندامانی کورد لەلیژنەی دارایی و ئەو حزبانەی کە ئەندامیان لە دارایی نییە و مزایەدەیان دەکرد بتوانن دۆستەکانتان کە رۆژانە سوپاستان دەکردن قەناعەتیان پێبکەن دەنگ لەسەر ئەم پێشنیارەی ئێمە بدەن ئەوکات منیش سوپاسیان دەکەم و بەخەمخۆری فەرمانبەرانی هەرێمیان دەزانم".