دواین هەواڵ

کوردستان‌

 6 رۆژ پێش ئێستا

حکومەتی ئێران چوار مامۆستای ئایینی لە پیرانشار دەستبەسەر دەکات

هەرێم نیوز

دوای تێپەڕینی 24 کاتژمێر لە دەستگیرکردنی دوو مامۆستای ئایینیی خەڵکی پیرانشار، دوو مامۆستای ئایینی دیکە بە ناوەکانی مەلا سەید سولەیمان ئەحمەدی و مەلا یوونس نەوخا، لەلایەن هێزە ئەمنییەکانی ئێرانەوە دەستگیرکران.

هێزە ئەمنییەکانی ئێران شەوی دووشەممە، 23/01/2023، لە گوندی پەسوێی پیرانشار مەلا شەریف محەممەدپوور و مەلا جەمالەدین واژی، پێشنوێژی مزگەوتەکانی ئەو گوندەیان دەستبەسەر کردووە. 

هەروەها پێشنیوەڕۆی ئەمڕۆ سێشەممە، لە رێگەی پیرانشار بۆ پەسوێ، مەلا سولەیمان ئەحمەدی و مەلا یونس نۆخاه، مامۆستای ئایینی و وانەبێژی قوتابخانەی ئایینی سەلاحەدینی ئەیوبی پیرانشاریان دەستبەسەر کردووە.

ئەمەش دوای ئەوە دێت، رۆژی دووشەممە، 23/01/2023، مامۆستایانی ئایینیی پیرانشار، شنۆ و نەغەدە و گوندەکانیان پەیامێکی ڤیدیۆییان لەبارەی دۆخی رۆژهەڵاتی کوردستان بڵاوکردەوە تێیدا ئاماژەیان بە سێدارە، ڕەشبگیری، ئەشکەنجە و سەپاندنی سزای قورس لەلایەن ناوەندەکانی حکومەتەوە کراوە. 



Copyright © 2020 All Rights Reserved Designed And Developed By AVESTA GROUP