هەرێم نیوز
میدیای فهرمی حكومهتی ههرێمی كوردستان كۆمهڵێك رێنمایی پەیوەست بە غاز و سۆپای غاز بڵاوكردوهتهوه بۆ ئەوەی لەکاتی رودانی روداوی هاوشێوە و نەخوازراو، جێبەجێی بکەن تاوەکو پارێزراو بن و لە مەترسییەکان بەدور بن.
بۆ ئەوەی لە ڕوداوی نەخوازراوی پەیوەست بە غاز پارێزراو بیت، ئەم رێنماییانە جێبەجێ بکە:
یهكهم: هەرکاتێک بۆنی غاز هات، نابێت دەستکاری سویچی کارەبا بکەیت یان ئاگر دابگیرسێنیت.
دوهم: دەبێت پەنجەرە و دەرگاکان بەتەواوی بکەیتەوە.
سێیهم: ئەو شوێنەی بۆنی غازی لێدێت، دەبێت بەخێرایی چۆڵ بکرێت.
بۆ ئەوەی لە ڕوداوی نەخوازراوی پەیوەست بە سۆپای غاز پارێزراو بیت، ئەم رێنماییانە جێبەجێ بکە:
یهكهم: بوتڵی غاز لە چێشتخانە دامەنێ و نابێت بوتڵی غازیش لەنزیک سۆپا هەڵبگیرێت.
دوهم: دەبێت بوتڵی غاز لە شوێنێک بێت، کە هەواگۆڕکێی هەبێت و دوربێت لە تیشکی خۆر و ماددەی سوتێنەر.
سێیهم: پێویستە دڵنیابیت لەوەی، كە سۆندەی غاز کوالێتیی باشە و هیچ کێشەیەکی نییە.
چوارهم: هەمیشە لەبیرت بێت پێش نوستن یان جێهێشتنی ماڵ، غاز لە سەرچاوەکەیەوە بگریتەوە.
بۆ ئەوەی لە ڕوداوی نەخوازراوی پەیوەست بە لێچونی غازی شل پارێزراو بیت، ئەم رێنماییانە جێبەجێ بکە:
یهكهم: لەکاتی لێچونی غاز لە ماڵ، بەلایەنی کەم 100 مەتر لەو جێگایە دور بکەوە.
دوهم: لەکاتی لێچونی غاز لە هۆتێل، چێشتخانە و شوێنەکانی تر، 800 مەتر دور بکەوە.
سێیهم: لەکاتی بونی ئاگر لە تانکی غازی بەنزینخانەکان، کیلۆمەترێک و 50 مەتر لەو شوێنە دوربکەوە.