دواین هەواڵ

کۆمەڵایەتی‌

 پێش 4 هەفتە

سێ وشە بە منداڵەکەت بڵێ

د.جەعفەر عومەر -پزیشکی پسپۆری دەروونی

لە پەروەردەدا گرنگە کە ئاگامان لە ڕەفتار و هەڵسوکەوتەکانمان بێت. ئەرکی دایبابە کە لێهاتوییەکانی ژیان فێری منداڵان بکەن، یەکێک لەو لێهاتووییانەش نیشاندان و ئەنجامدانی ڕێزە بۆ بەرانبەر، سێ دەستەواژە هەن دەبێت ئێمە زۆر بەرانبەر منداڵەکانمان بەکاریان بهێنین و لەبەرچاویان بەرانبەر کەسانی تریش ئەنجامی بدەین، هەتا ئەوانیش بیکەنە بەشێک لە ژیانیان:
وتنی "بەیارمەتیت" لەکاتێکدا کە داوای شتێک لە کەسێک دەکەین بۆمان ئەنجامبدات.

وتن و پیشاندانی "سوپاس و پێزانین" لەکاتێکدا کە کارێکی چاکەمان بەرانبەر دەکەن یان کەسێک چاکەمان لەگەڵ دەکات.

وتن و پیشاندانی "ببورە" لە کاتی ئەنجامدانی هەڵە بەرانبەر منداڵ و ئەوانی تر.

ئەم سێ ڕەوشتە جوانە گرنگە کە هەموومان ئەنجامی بدەین، بەڵام لەوە گرنگتر فێرکردنی منداڵەکانمانە، ئەویش لەڕێگەی دووبارەکردنەوە و بەردەوامبوون لەسەری بەرانبەر بە منداڵان و کەسانی تر.




Copyright © 2020 All Rights Reserved Designed And Developed By AVESTA GROUP