د. شێروان رەحمانەشەل نانەکەلی
تەندروستی_نەورۆز
١. جل و بەرگی زۆر تەنک و نیمچە ڕووت و هاوینە لەبەر مەکە ! هێشتا کەش و هەوا ساردە و ڕەنگە نەخۆش کەوی!
٢. خواردنی زۆر یان خۆراکی کەون یان پڕ لە شیرینی و چەوری یان لە سەرچاوەی نا دیار و نا دروست بەکارمەھێنە.
٣. ئاگاداری ئاوی خواردنەوە بە کەوا پاک و خاوێن بێت و لە ناو ترمس یان دەببەی ئاو پارێزراو بێت ٣. لەو شوێنەی دادەنیشی : گرنگە پاک و خاوێن بێت و دوور بێت لە ئاو و رووبار و دەریا و کەند و شوێنی مەترسیدار .
٤. منداڵەکان زیاتر پێویستیان بە ئاگاداری هەیە ...لە بیریان مەکەن و بەردەوام لە پێش چاوتان بن.
٥. زۆر ئاگاداری «نەوت» بن ! پێویستە نەکرێتە ناو دەببەی ئاو وە پێویستە دوور بێت لە منداڵ و لە ئاگر و لە گەرمی.
٦. ئەگەر ئاگرتان کردەوە ئەو لە ژێر کۆنترۆل بێت وە لە شوێنی دووربێت لە مەترسیەکان و لە منداڵ.
٧. عەلاگەی زبڵتان پێ بێت و گشت پاش ماوە و زبڵەکان دوای خۆتان هەڵگرنەوە.
٨. پێویستە نزیک بن لە شوێنێک توالێت ی تەندروستی هەبێت یان خۆتان توالێتی سەفەریتان پێبێت لە شێوەی خیوەتێکی بچوک و دەستان جوان بشۆن بۆ خۆپارێزی لە نەخۆشیەکان.
٩. ئەو کەسانەی حەساسیەی وەرزیان هەیە ئەوە پێویستە دووربن لە شوێنی گیا و بن دار وە دەرمانیان بە رێک و پێکی وەرگرن.
١٠. زۆر ئاگاداری بەساڵاچوان و نەخۆشەکانی ماڵەوە بن و پێویستە چارەسەریەکان بەردەوام بن.
تەندروستی_پێش_هەموو_شتێکە هەر تەندروست بن و جەژنی نەورۆز تان پیرۆز بێت.