هەرێم نیوز
وتەبێژی پۆلیسی
گشتی هەرێمی كوردستان رایگەیاند، ساڵی رابردو نزیكەی 300 روداوی كوشتن و نزیكەی
300 روداوی تری خۆكوشتن هەبوون، هەروەها زیاتر لە 5 هەزار حاڵەتی دزی تۆمار كراون.
موقەدەم كارزان
ئەمیر، لە كۆنگرەیەكی رۆژنامەوانیدا وتی، لە ماوەی یەك ساڵی رابردودا 215 روداوی
كوشتنی بە ئەنقەست و 59 حاڵەتی كوشتنی بە هەڵە تۆمار كراون، هەروەها 287 خۆكوشتنیش
هەبووە، هەر لەو ساڵەدا 5 هەزار و530 حاڵەتی دزیكردن تۆماركراون و 2 هەزار و 334 دۆسیەی
خراپ بەكارهێنانی ئامێرەكان و هەزار و 300 تاوانی ساختەكاریش تۆماركراون.
رونیشیكردووەتەوە،
تاوانی فێڵ كردن 6 هەزار و 780 حاڵەت و قوماركردن 363 حاڵەت و سواڵكردن هەزار و 552 حاڵەت بوون، سەرەڕای ئەوانەش دەست بەسەر
هەزار و 51 چەكی بێ مۆڵەتدا گیراوە، 149 كەسیش بە تۆمەتی بەكارهێنانی ماددەی هۆشبەر
دەستگیر كراون و 204 حاڵەتی تەقەكردنیش تۆماركراون، سكاڵای ناپاكیش لە ئەمانەت هەزار
و 369 سكاڵا بوون، 4 هەزار و 670 حاڵەتی هەڕەشە لێكردن و 5 هەزار و 961 حاڵەتی شەڕكردن
هەبوون.
هەرچی سەبارەت بە
چالاكییەكانی بەرگری شارستانییە وتەبێژی پۆلیسی گشتی هەرێم وتی، 8 هەزار و 933
روداو تۆمار كراون و بەهۆیانەوە 133 هاوڵاتی گیانیان لەدەستداوە و 178 هاوڵاتیش بریندار
بوون، 281 هاوڵاتیش رزگار كراون.