پسپۆڕێکی بواری خۆراک باس لە چوار یاسای خۆراکی دەکات کە کاریگەری لەسەر باشبونی تەندروستی و درێژی تەمەن هەیە.
دکتۆر مارک گێلبێرت، پسپۆڕی خۆراک لە بەریتانیا لە دیمانەیەکدا لەگەڵ گۆڤاری (ئێکسپرێس) دەڵێت: کەمکردنەوەی رێژەی کالۆری لە خواردنەکاندا هەنگاوی یەکەمە بۆ باشبونی تەندروستی، چونکە کاریگەی هەیە لەسەر خاوکردنەوەی پڕۆسەی بەساڵاچون و خانەکانی لەش لە گەشەکردنی شێرپەنجە و نەخۆشی شەکرە و زەهایمەر دەپارێزێت.
دەشڵێت: هەنگاوێکی دیکە بریتییە لە هاوسەنگ راگرتنی رێژەی ڤیتامین دی کە لەشدا، چونکە پەیوەندی بە بەرگری لەش و بەهێزکردنی خانەکانی بەرگرییەوە هەیە.
ئەو پسپۆڕەی خۆراک پێیوایە رێکخستنەوەی سیستمی خۆراک کاریگەری زۆر باشی لەسەر تەندروستی دڵ و کەمکردنەوەی فشاری خوێن و سوڕی خوێن هەیە.
هەروەها دەڵێت: بۆ کەمکردنەوەی مەترسییەکانی توشبون بە نەخۆشی شەکرە، پێویستە چای سەوز بە شێوەیەکی رێکخراو بخورێتەوە و پەیڕەوکردنی سەرجەم ئەو خاڵانە لە ماوەیەکی کورتدا دەرەنجامەکانی دەردەکەوێت و تەندروستی کەسەکە بەشێوەیەکی کاریگەر باشتر دەبێت کە دواجار کاریگەری راستەوخۆی لەسەر درێژی تەمەن دەبێت.