توێژینەوەیەکی نوێ دەریدەخات، کە ئەوکەسانەی رۆژانە روبەڕوی ماندوێتی زۆر و فشار و دودڵی دەبنەوە، زیاتر حەز بە خواردنە خێراکان دەکەن، کە ئەوەش هۆکارێکە بۆ قەڵەوبون.
ژمارەیەک لە زانایانی ئوسترالیا و نیوزلەندا لە راپرسییەکدا بۆچونی (137) کەسیان وەرگرتوە سەبارەت بە خوەکانی خواردن و هەستەکانی دودڵی کە هانیان بدات بۆ خواردن بەدرێژایی یەک هەفتە.
بەوتەی بەشداربوان "هەرکاتێک فشار و ماندوێتییان زیاتر بێت، زیاتر حەزیان بۆ خواردنە خێراکان دەچێت بە گشتی".
زاناکان دەڵێن:"هەستی فشار و دودڵی، وا دەکات گۆڕانکاری لە شێوازی بەرنامەی خۆراکیی مرۆڤدا دروست بێت".
ئاماژە بەوەش دەکەن، ماندوێتی لە کار وا دەکات تاکەکان پەنا بۆ خواردنە خێرا و خواردنەوە غازییە پڕ شەکرەکان ببەن کە دواجار ئەوەش کاریگەری لەسەر قەڵەوبونی کەسەکان دەبێت.
بەشێک لە بەشداربوانی توێژینەوەکە باسیان لەوەکردوە کە لەوماوەیەدا هەرکاتێک توشی دودڵی و فشار بوبێتنەوە، حەزیان بە شیرینی و خواردنەوە غازی و خواردنەوە خێراکان بوە.

سەرچاوە: دەیلی مەیڵ