دواین هەواڵ

نزا بکە هەرگیز بەرت نەکەوێت

‌هێمن ئەحمەد

پێش 2 هەفتە

١-چەند پشکێک لە پشکەکانی چاڤی لاند.
٢- پارەو سامانی وەرەسە لەدوای تەمەنی حەفتا ساڵی.
٣-کورسیەکی پەرلەمانی بەسواڵ و خێری لایەنێک.
٤-کەپرێکی خێزانی تەنیشت کەپرێکی زگوردی لە سەیرانگای دوکان.
٥-ڕیقنەی باڵندەی بەیانیانی سەر دار تێلەکانی بەردەرگا.
٦-هەوای ئەو ئامێرە فێنک کەرەوەیەی کە بە پارەی خوێندکار یان لێبڕینی موچە کڕاوە.
٧-سەرەی تاقیکردنەوەی پڕاکتیکی ئۆتۆمبێل،چونکە بێجگە لە ئەفسەر سێ جوتە چاوی زەق لە دواوە سەیرت دەکەن.
٨-سەرنشینێکی زۆربڵێی خەتی هەولێر-سلێمانی،لە پێشی ئۆتۆمبێلەکەتدا.
٩-کۆتا لەفەی نۆکاوی سەهۆڵەکە لە شەودا.
١٠-هەموو ڕۆژێک وتنەوەی وانەی شەشەم لە خوێندنگە.
١١-فنگ کردنی بەقاڵێکی بازاڕی سەوزە فرۆشەکان.
٢١-ماتۆڕێکی دلیڤەری خواردەمەنی،چونکە ئەو ماتۆڕی پێیە هەر دەبێت تۆ لێی ببوریت. 
٢٢-سەرەی دورودرێژی تەوالێت لەکاتی سەیرانی ڕۆژانی نەورۆزدا.
٢٣-ورگێکی زل لەدواوە لەکاتی وەستانی سەرەی وەرگرتنی موچەی خانەنشینی باوکتدا.
٢٤-سەرەی خواردن لێنان و پاککردنەوەی بەشی ناوخۆیی زانکۆ.
٢٥-قاپێک چڵکاوی چایچیەکەی ناو بازاڕەکەی سەرچنار.
٢٦-شوقەی نیشتەجێبونی سودمەندبونی مامۆستایان،چونکە هەرگیز پارەی خۆی ناکاتەوە.
٢٧-سەرەی بەنزینی موحەسەن کاتێک پەمپەکە شکاوە.
٢٨-ژەمێک خواردنی چێشتخانەکانی سیتەک لە ڕۆژانی هەینیدا.
٢٩-بەستە پارەی ئەو موچەیەی چەند ٢٥٠ ییەکی لەبری پێنج هەزاری و چەند دوو ڕەقەمیەکی تێکراوە.
٣٠-سەرەی مژلێدانی نێرگەلە لەدوای ١٠کەس.
٣١-دیاری هاوڕێیەکی ڕەزیلی ئەوروپی کە چەند ڕۆژێک هەر دەڵێ دێمە خزمەتت،کەچی شەوێک پێش ڕۆشتنەوە دەتبینێت. 
٣٢-سەرەی دەوامی شەوانەی پۆلیسی لە جەژندا.
٣٣-قەرەوێڵەی نەخۆشیی خەستخانە کە دراوسێ نەخۆشەکەت عەشیرەتێک هاتبن بۆ سەردانی.
٣٤-سەرەی ئیمزا و مۆری مامەڵەی شارەوانی و باج و تاپۆ کە پێت دەڵێن دەوام تەواو بوو،هەفتەی داهاتو وەرەوە.
٣٥-دڵۆپە ئاوی سەر دوکانەکانی جادەی ئۆرزدی بە پشتەملت.
٣٦-سەرە ئاوی گەڕەکی شێ محێدین بە پێنج ڕۆژ جارێک و تەنها دوو کاتژمێر.
٣٧-شوتێکی تۆپی وێڵی منداڵانی گەڕەک بە لوتت.
٣٨-سەرەی بەرمیلە نەوتەکەی زستانی ساڵی ٢٠١٩ لە ئەم هاوینەدا.

Copyright © 2020 All Rights Reserved Designed And Developed By AVESTA GROUP