ئەم خۆشەویستى و پەیوەندییە ڕۆحى و نەتەوەییەى سەرۆک بارزانی مێژووییەکى دێرین و پڕشانازى و ڕیشەییەکى قوڵى هەیە واتە هیچ سنوورێکى دەستکرد نەیتوانى و ناتوانێ کوردستان و بارزانى لەیەکتر جیا بکاتەوە ؛ بەشێکى خاکى کوردستان کە شوێنى دەیان تێکۆشەر و خەباتگێر و شۆڕش وڕاپەرینە لە پێناو ئازادى و ڕەتکردنەوەى بن دەستى وستەمکارى ، لە نێو باوەشى ئەو خاکە دا کەسایەتى و ئەڤیندارى وەک مەلاى جزیرێ و مەم وزینى پەروەردە کردووە ، کە شانازی گەورەى نەتەوەیی کوردن ، سەردان و بەشداریکردنى سەرۆک مسعود بارزانى لە دیدارى نێودەوڵەتى مەلاى جزیرێ لە هەڵومەرجێکى وەک ئێستا لە دواى کۆڕبەندى مێپس و دیدارى بارزانى لەگەڵ هێزولایەنە کوردییەکان لە رۆژئاواى کوردستان و پشتیوانى بەڕێزیان لە پرۆسەى ئاشتى و یەکریزى و تەبایی نێوماڵى کوردستان و پەیامى ئاشتى لەسەر ئاستى کوردستان ئاماژەیە پەرۆشى و ڕابەرایەتییەکى فیداکار لە پێناو دۆزى نەتەوەکەى بەڕێگەى ئاشتى و دیپلۆماسى دواى سەد ساڵ لە لێکترازان و دابەشکارى لە نێو نەخشە و سنوورە دەستکردەکانە دا 
مێژوو گەواهیدەرە سەرۆک بارزانى لەماوەى ئەم چەند ساڵەى دواییدا بەتایبەتى لە دواى ساڵى 2013 وە، هەموو تواناکانى لە پێناو بەدیهێنانى ئاشتى بووە لە نێوان پەکەکە و حکوومەتى تورکیا ، هەرچەندە ئەو پرۆسەیە ڕووبەڕووى چەندین ئاستەنگ و کێشە بووە، بەڵام هەمیشە بارزانى هەوڵەکانى بۆ ئاشتى بەردەوام بوو ، بەتایبەتى کاتێک سەرۆک بارزانى سەردانى ئامەدى کرد و کەشێکى ئاشتیانە بۆ گەلى کورد لە باکوورى کوردستان هاتە ئاراوە ، بەڵام شەڕى جەزیرێ و شارى شەرناخ و لێدانى خەندەق و کوژرانى دەیان سەرباز لە ئەنجامى ڕووبەڕووبوونەوە لەگەڵ پەکەکە ، رەوشێکى ناڵەبارى لەو شارە کوردستانییەى باکوورى کوردستان هێنایە کایەوە ، بەڵام وێراى هەموو ئەو کارەساتانەى کە سەر جزیرێ و ئەو خەڵکە تێکۆشەرە هاتووە ، سەردانى سەرۆک بارزانى بە پەیامى ئاشتى ویەکترقبووڵ کردن ،جارێکى تر ئاشتى و خۆشەویستى کوردو نەتەوەکانى دیکەى گەڕاندنەوە ، واتە پەیامى بارزانى ،پەیامى نەتەوەیی کورد بۆ ئاشتى و پێکەوەژیان و ئەوەش گەورەترین شانازییە 
بەدڵنییاییەوە ، لە پاش سەردانە مێژووییەکەى سەرۆک بارزانى بۆ جزیرێ بۆتان ، ئەو رەوشە نوێیەى لە ناوچەکە و بەتایبەت ئەو دەرفەتەى بۆ نەتەوەیی کورد لە سەر ئاستى هەر چوار بەشەى کوردستان هاتووتە ئاراوە ، ئیتر کاتى ئەوەیە ، خزمەتگوزارى و پێشکەوتن بۆ ئەم شارە بێتەئاراوە و دەبێت پێکەوەژیان و ئاشتى بکرێت ئامانجى ستراتیژى و لاپەرەیەکى نوێى بۆ بەکەوە کارکردن و ژیان و متمانە هەڵبدرێتەوە ؛ پەیامە مێژووییەکەى سەرۆک مسعود بارزانى لە دیدارى شاعیر نەتەوەیی کورد مەلاى جەزیرێ ، لاى هەموو کوردێکى نیشتیمانپەوەرى و کوردپەوەر مێژوویی و پر واتا بوو ، چونکە سەرۆک بارزانى ، جگە لەوەى ڕابەرێکى مێژوو و کەسایەتییەکى کاریگەر و بەهێزى کوردوکوردستان و عێراق و ناوچەکە و نێودەوڵەتییە ، خاوەن پێگە و سەنگى خۆیەتى و چاوى هەموو ڕابەر و سەرکردە و سیاسەییەکانى ناوچەکە و دونیا لەسەرە ، بەتایبەتى سەبارەت بە دۆزى کورد و چەسپاندنى ئاشتى و کردنەوەى دەرگە داخراوەکان و تێکشکاندنى تێلێسمى لێکترازان هێزولایەنە کوردى و تورکەکان بۆ ئەوەى بە لۆژیک و ئاشتى کۆتایی بەڕق و شەڕ بێنن 
سەرۆک بارزانى ، وەک رابەر و خەمخۆر و پەرۆشى نەتەوە و نیشتیمانەکەى ، خەمى هەر کوردێک بە کێشەى خۆى دەزانێت ، لە شوێنکى کوردێک و زانا و شاعیر و پێشمەرگە و کەسایەتییەکى کوردى لێ بێت ، شانازى پێوە دەکات و ڕێزى لێدەگرێت ، چونکە خۆشەویستى خاک و نەتەوەکەى پێش هەموو پرسێکى تر دەبینێت ، هەموو ئەو خۆشەویستى و ڕێز و فیداکارییە لە نێو ناخ و ڕۆحى سەرۆک بارزانى بوونى هەیە ، واتە کوردوکوردستان و بارزانى ئاوێتەى یەکتر جیا نابنەوە ، سەرۆکێک هەموو تەمەنى لە پێناو پارێزگارى لە دۆز و ئاڵا و مێژووى نەتەوەکەى فیداکردووە ، ڕابەرى نەتەوەیەک هەمیشە بەباخەوە دەروانێتە بابەتە نەتەوەییەکان و ئەدەب و مێژوو و زانا و کەسایەتییەکانى نیشتمان و نەتەوەکەى ، ئەوەش پەیامێکە بۆ هەموو گەل و نەتەوەکانى ناوچەکەو جیهان وناساندنى گەورەیی و شکۆى نەتەوەى کورد ، رابەر و سەرۆکێکى ڕاشکاو و ڕاستگۆ و خاکەڕاى ، هەموو کوردوکوردستان لە ناخ و بوونى یەک پارچەیە ، 
چوونى سەرۆک بارزانى بە جلوبەرگى کوردییەوە بۆ جەزیرێ بۆتان بۆ ناو کەسوکارى خۆى ، بردن و گەیاندنى پەیامى ئاشتیخوازانەى نەتەوەیی کورد بوو بۆ تورک و نەتەوەکانى دیکە ، پەیامێک کە دەستپێشخەر بووە بۆ چارەسەرى پرسى کورد نەک تەنیا لە باکوورى کوردستان بەڵکو بەشەکانى دیکەش ، بەیانى راستییەک کە ئیتر نکۆڵیکردن لە دۆزى کورد بەسەر چووە ، نەتەوەیەک خاوەن ڕەسەنایەتى و فەرهەنگ و کەلتوور و زمان وجوگرافیا و مێژووى تایبەت بەخۆیەتى و ناکرێت چیتر مافەرەواکانى نادیدە بگیرێت .