لە پاش هەڵبژاردنى پەرلەمانى عێراق ، هەلومەرجێکى نوێى سیاسى بە مەبەستى پێکهێنانى حکوومەتى نوێ هاتوونەتە ئاراوە، بەتایبەتى ناوچەکە بەرەوشێکى زۆر هەستیارومەترسیداردا تێدەپەرێت ، هەولێرى پایتەختى کوردستان بووەتە چەقى سەردان و گفتوگۆ و چالاکیی بێ وێنە ، لە پێناو داڕشتنى نەخشەى نوێی بۆ ئایندەى عێراق ئەوەش وایکردووە چاوى کۆمەڵگەى نێودە,ڵەتى بەتایبەتى وڵاتەیەکگرتووەکانى ئەمەریکاى لەسەر بێت و وردى سەرنجى داوەتێ ، لە نێو هەموو ئەو کێش مەکێش و ئاڵۆزییەسیاسییانەدا ،وەک هەمیشە سەرۆک مسعود بارزانى ، وەک ڕابەر و کەسایەتییەکى کارێزما و رەمزى ئیرادە و رژدى گەلى کورد خاوەن دیدگایەکى ستراتیژى و ڕۆڵ وکاریگەرى دەگێڕێت وهەردەم پێشنیار و راسپاردەکان و بریارە حەکیمانەکانى جەنابیان ، نەک تەنیا بۆ  بەدیهێنانى مافەدەستوورییەکانى کورد ، بەڵکو لە پێناو بونیاتنانى حکوومەتێک لە عێراق تێیدا بنەماکانى هاوبەشى و سازان و هاوسەنگى راستەقینەى بوونى هەبێت ، حکوومەتێک دوور لەدەستوەردانى تایفى و نەتەوەیی و دەرکى و میلیشیایی نایاسایی , مافى هەموو پێکهاتە نەتەوەیی وئایین وئایینزاکانى تێدا مسۆگەر بێت، ئەمە ئەو ستراتیژە بارزانى ماوەى 20 ساڵ جەختى لەسەر دەکاتەوە 

سەرۆک بارزانى ڕێنشاندەرى ستراتیژى قۆناغە سەختەکان 

مێژوو گەواهیدەرە لە دواى هەر پرۆسەیەکى هەڵبژاردن لە عێراقدا ، بە بێ کاریگەرى و رۆڵ و هەنگاویی مێژوویی سەرۆک بارزانى ئەستەم بووە هیچ حکوومەتێک سەرکەوتوو بێت ، هەر بۆیە ، سەردانى  نوورى مالیکى ،سەرۆکى هاوپەیمانى دەوڵەتى یاسا ، هێزو لایەنێکە کانى تر شیعى و سووننە و  چاوەروانیان بە ڕێنەمایی و رێنیشاندەرى سەرۆک بارزانییە تا بە دیدگا و تێروانینى قووڵ و ژیرانەى خۆى ، هاوکاریان ببێت بۆ پێکهێنانى حکوومەت، چونکە خۆشیان باش دەزانن بە بێ رۆڵ و کاریگەرى و ڕێنەمایی سەرۆک بارزانى نەک هەر عێراق سەقامگیر نابێت بەڵکو زیاتر بەرەو ئاڵۆزى سیاسى و کێشەى ئەمنى دەروات ؛ئەمەش ئاماژەیە بەو راستیی و گرینگى سەقامگیریی هەرێمى کوردستان لە ناو عێراقێکى ناسەقامگیردا ، بۆیە  بڕیار و ڕێنەماییەکانى سەرۆک بارزانى لە دیدار وکۆبوونەوەکانى لەگەڵ هێزولایەنە شیعى و سوننەکان لە پێناو چارەسەرى ڕیشەیی و دەستوورییانە بۆ کێشە هەڵپەسێردراوەکانى نێوان هەولێر وبەغدا , بەتایبەتى پرسى خاک و ناوچەکە داگیرکراوەکان تایبەت بە ماددەى 140ى دەستوور ، دەرکردنى یاسای نەوت و غاز ، بودجە ، بۆیە ئەم کۆبوونەوانە کردنەوەى دەرگەیەکى نوێى گفتوگۆ و دیپلۆماسییە کە سەرۆک بارزانى پێشەنگ و ڕابەرایەتى دەکات

سەرۆک بارزانى و خوازیارى هاوبەشى راستەقینە وپابەند بوون بە دەستوور

نەک هەر ئێستا بەڵکو لە رابردوو ، هەوڵەکانى سەرۆک بارزانى ، سەرکردایەتى دیموکراتى کوردستان ، ستراتیژى و دیدگایەکى روون و بەهێزیان هەیو بۆ چۆنێتى بەشداریکردن لە پێکهێنانى حکوومەتى نوێ عێراق، بەتایبەتى کە هەڵبژاردنەکانى ئەمجارە و  ڕاسپاردەى سەرۆک بارزانى لە سەر سێ بنەماى گرنگ بووە ئەویش ( سازان ، هاوبەشى ،هاوسەنگى ، ئەوەش کێشەى سەرەکیی 20 ساڵەى نێوان هەولێر و بەغدا بووە و پارتى دیموکراتى کوردستانیش هەمیشە جەختى کردۆتەوە دەبێت ،پابەندبوون بە دەستوور مەرجى سەرەکى بێت و ناکرێت حکوومەتێک لەسەر بنەماى زۆرینەى سیاسى و کەمینە مامەڵەى لەگەڵ بکرێت ،چونکە مێژوو سەلماندوێتى پەراوێزخستنى کورد و سوننە ، زیانێکى گەورەى بە پرۆسەى سیاسى عێراق گەیاندووە ، ئەمەش ئاماژەیە بڕیارە گرینگەکان تەنیا بەڕێگەى ڕێککەوتنى هاوبەشەوە دەدرێن ،نەک زۆڕینەى سیاسى و بێ بەشکردنى پێکهاتەکانى تر . هەر بۆیە پارتى بە ڕێنەمایی سەرۆک بارزانى ، رژدە و جەخت لە سەر وەرگرتنى ماف و شایستەکانى تایبەت بە خەڵکى کوردستان و بودجە تایبەت بۆ کوردستان دەکاتەوە بەتایبەت هەموو ئەو پۆست و شوێنانەى کە دەبێت بەشێوەى هاوبەشى گەلى کوردستانیش بەشدار بێت ، ئەو پشتیوانییە بەهێزەى سەرۆک بارزانى , واتە لەسەر بنەماى گشتگیرى نوێنەرایەتى راستەقینە و کاریگەرى گەلى کورد لە سەرجەم دامودەزگە دەستوورییەکانى عێراقى فیدڕاڵیدا و هەموو ئەو هەوڵ وئاماژانە پێمان دەڵێن , گۆڕانکاریی لە هاوکێشە سیاسییەکانى عێراق هەستى پێدەکرێت و دەبێت گەلى کورد کاریگەرى دیارى لە ناو پرۆسەى سیاسى و پەرلەمان و حکوومەتى داهاتوو هەبێت و  بەپێى ئەنجامى هەڵبژاردنەکان قورسایی سیاسى و کاریگەرى هەبێت 

سەرۆک بارزانى  ڕێکخستنى هێزولایەنە سیاسییەکان 
ئاشکرایە ، سەرۆک بارزانى بەدڕێژایی مێژوو و خەباتى سیاسى و دیپلۆماسى ، هەمیشە وەک کەسایەتییەکى کاریگەر وبەهێز ڕۆڵى گرنگى بۆ کۆکردنەوەى هێزولایەنە ناکۆکەکان هەبوو، بەتایبەتى لەم قۆناغە هەستیارەدا ، ڕۆڵ و پێگەى بەڕێزیان بۆ  ڕێکخستنى هێزولایەنەکان و ئینجا ڕێککەوتنێکى نیشتیمانیی و گوێڕایەڵى ڕێنەماییەکانیان تەنیا بۆ بەرژوەندى دۆزى گەلى کورد نییە ، بەڵکو ئامانج تێدا جێبەجێکردنى دەستوورە لە سەر بنەماى متمانە بۆ چارەسەرکردنى هەموو کێشەکان و بەهێزکردنى عێراقى فیدڕاڵى و دیموکراسى ، هەر ئەوەشە دەتوانێت کێشە هەڵپەسێردراوەکانى نێوان هەولێر وبەغدا چارەسەر بکات و گەشەپێدانى ئابوورى و خزمەتگوزارى زیاتر بێنێتە ئاراوە 

بەدڵنییایەوە ، لە پاش هەڵبژاردنەکانى 11ى 11ى 2025 ئەنجوومەنى نوێنەرانى عێراق، قۆناغێکى نوێ و هیواییەک هاتووتەئاراوە ، بەتایبەت ڕۆڵ و کاریگەرى سەرۆک بارزانى و رژدبوونى پارتى دیموکراتى کوردستان لەسەر مافە دەستوورییەکانى خەڵکى کوردستان بە هەموو ماف و شایستەکانییەوە ، دەبێتە مەرج و بنەمایەکى گرنگ بۆ پێکهێنان و داڕشتنى هاوکێشەیی سیاسیی و حکوومەتێکى بەهێز لە عێراقدا ، بەتایبەتى ئەگەر گشت لایەنەکان پابەندى راسپاردە و ستراتیژیی ژیرانەى سەرۆک بارزانى بن وەک نەخشە ڕێگایەک بۆ رزگارکردنى عێراق ، ئەو کاتە ئەمەریکا و هاوپەیمان و کۆمەڵگەى نێودەوڵەتیش پشتیوانى لە حکوومەتێکى خاوەن سەروەرى بێ میلیشیا و دەستوەردانى دەرەکى دەکەن ، عێراق پێدەنێتە قۆناغێکى پڕ سەقامگیرى و متمانە و گەشەسەندوو ، بۆیە ناکرێت ئەم دەرفەتانە لە دەست بدرێت و ئەوەى عێراق رزگار دەکات ، پابەندبوونە بە هەر سێ بنەماى هاوبەشى و سازان و هاوسەنگى و جێبەجێکردن دەستوور ، ستراتیژییەک کە سەرۆک بارزانى ، بەدرێژایی دروستکردنى عێراقى نوێیەوە بەردەوام جەختى لەسەر دەکاتەوە .