لە چوارچێوەی ئەو روئیاو پەیام و ھەوڵانەی کە سەرۆکی ھەرێمی کوردستان، نێچیرڤان بارزانی بۆ ھەموو لایەنە سیاسییەکان ھەیەتی، هەنگاوی گرنگ و بەردەوامی ناوە لە پێناو ھەرێمێکی بەهێز و سەقامگیر. ئەم هەنگاوانە، کە لەم قۆناغەش لە دوای پرۆسەی هەڵبژاردنەوە دەستیان پێکردووە، نیشاندەری روئیایەکی ڕوون و بەرنامەیەکی تۆکمەن، بۆ داهاتووی گەلی کوردستان.
لەم پرۆسەیەدا پارێزگاریکردن لە قەوارەی هەرێمی کوردستان و داھاتوویەکی گەش وەک بناغەیەکی سەرەکی دەردەکەوێت. ئەم هەوڵە لە ڕێگەی دیالۆگ و گفتوگۆی بەردەوام لەگەڵ سەرجەم لایەنە سیاسییەکان بەرەو پێش دەچێت، کە ئەمەش بەردی بناغەی یەکڕیزی و یەکگرتوویی کوردستانە بەسەرجەم پێکھاتەکانەوە.
لەم پێناوەدا ھەنگاونان بۆ:
-پێکھێنانی حکوومەتێکی یەکگرتوو و بەهێز.
-یەکخستنی هێزی پێشمەرگە وەک سوپایەکی نیشتمانی.
-بەهێزکردنی پەیوەندییە نێودەوڵەتییەکان.
- گەشەپێدانی ئابووری و خزمەتگوزارییەکان بەگوێرەی خواستی گەل.
- بەهێزکردنی متمانەی نێوان لایەنە سیاسییەکان.
- پتەوکردنی زیاتری بنەماکانی دیموکراسی و دادپەروەری.
- پاراستنی شایستە ماف و داراییەکانی ھەرێمی کوردستان لە عێراقی فیدڕاڵ.
-راگرتنی زیاتری باڵانسی ھێز و بەھێزکردنی پەیوەندی دیپلوماسی ئیقلیمی و نێودەوڵەتی.
ئەم هەوڵانە نیشانەی ئەوەن کە هەرێمی کوردستان بەرەو قۆناغێکی نوێی گەشەکردن و پێشکەوتن هەنگاو دەنێ.
ئەم پرۆسەیە بۆ کوردستانێکی یەکگرتوو، بەهێز کە هەموو پێکهاتەکان بە ئاشتی و ئارامی پێکەوە دەژین، داھاتوو رونتر دەکات.