دانیشتووانی ئیمارات لە نێو وڵاتانی بریکسدا زۆرترین سەروەت و سامانی بۆ هەر تاکێکیان هەیە، بەمەش ئەو وڵاتە دەوڵەمەندترین وڵاتی ئەو بلۆکەیە.
تێکڕای داهاتی تاک لە ئیمارات 103 هەزار و 500 دۆلارە کە دەکاتە 380 هەزار درهەم لە ساڵێکدا، کە دوو هێندە زیاترە لە داهاتی وڵاتی سعودیەی دراوسێی لە کەنداو، بەمەش سعودیە خۆی لە پلەی دووەمدا دەبینێتەوە، کە سەروەت و سامانی تاکەکەسی 54 هەزار دۆلارە، بەپێی ڕاپۆرتی یەکەمی سەروەت و سامانی بریکس کە لەلایەن هێنلی ئەند پارتنەرزەوە بڵاوکراوەتەوە بە هاوبەشی لەگەڵ کۆمپانیای هەواڵگری سامان و سامانی جیهانی نوێ.
لە دوای وڵاتانی کەنداو، چین بە بڕی ١٨ هەزار و ٨٠٠ دۆلار، فیدراسیۆنی ڕووسیا بە بڕی ١٦ هەزار و ٥٠٠ دۆلار، بەڕازیل بە ١٠ هەزار و ٤٠٠ دۆلار، هیندستان بە بڕی ٦ هەزار و ٨٠٠ دۆلار، میسر بە بڕی ٤ هەزار و ٢٠٠ دۆلار، ئێران بە ٣ هەزار و ٨٠٠ دۆلار و ئەسیوپیا بە بڕی ١ هەزار و ٢٠٠ دۆلار.
پێشبینی دەکرێت لە ماوەی دەیەی داهاتوودا لە نێوان ساڵانی ٢٠٢٣ بۆ ٢٠٣٣، ئیمارات داهاتی تاکەکەسی بە ڕێژەی لەسەدا ٩٥ زیاد بکات، ئەمەش سێیەم بەرزترینە لە دوای هیندستان (١١٠%) و سعودیە (١٠٥%).
یەکێک لەو هۆکارە سەرەکیانەی کە بووەتە هۆی سەرکەوتنی ئیمارات مافی نیشتەجێبوون بووە، کە پێشکەشکراوە بە وەبەرهێنەران لە جیهاندا، دووەم هۆکار پێدان و ئاسانکاری ڤیزەی زێڕین بۆ پۆلە جیاوازەکانی وەک کڕیاری موڵک و خاوەنکار و زانا و توێژەران.
ئیمارات لەگەڵ سعودیە، میسر، ئێران و ئەسیوپیا لە 1ی 1ی 2024 پەیوەندییان بە بریکسەوە کرد وەک ڕێکخراوێکی ئابووری جیهان. هەروەها وڵاتانی ئەندامی بریکس نزیکەی لەسەدا ٤٤ی نەوتی خاوی جیهان بەرهەمدەهێنن.
هەروەها ئیمارات 116 هەزار و 500 ملیۆنێری تێدایە کە لە دوای چین و هیندستان لە پلەی سێیەمی وڵاتانی بریکسدایە. لە کاتێکدا ژمارەی ئەو سەنتی ملیۆنێرانەی کە سامانەکەیان ١٠٠ ملیۆن دۆلارە و لە کۆتایی ساڵی ٢٠٢٣دا ، لە نێو ئەم ملیۆنەرانەش ٣٠٨ ملیاردێر هەیە پێشبینی دەکرێت لە ماوەی ١٠ ساڵی داهاتوودا سامانەکەیان بە ڕێژەی لەسەدا ٧٧ گەشە بکات.
دوبەی لە دوای پەکین و شەنگەهای لە نێو شارەکانی بریکسدا سێیەم دەوڵەمەندترین شارە، لە کۆتایی ساڵی ٢٠٢٣دا ٧٢ هەزار و ٥٠٠ ملیۆنێر و ٢١٢ سەنت ملیۆنێر و ١٥ ملیاردێری تێدایە، پێشبینی دەکرێت سامانەکەیان لە نێوان ساڵانی ٢٠٢٣ بۆ ٢٠٣٣ بە ڕێژەی لەسەدا ٧٨ زیاد بکات، شارەکانی دیکە کە... زۆرترین چڕبوونەوەی ملیۆنێریان هەیە بریتین لە مومبای، شنژن، هانگژۆ، دەهلی، مۆسکۆ، گوانگژۆ و ئەبوزەبی.