حکومەتی بەغدا دوای ٥٣ ساڵ لەململانێی خۆماڵی کردنی نەوت و گرێبەستی خزمەتگوزاری و بەڵێندەرایەتی پاشەکشەی کردو سەرەڕای ڕازی بوونی بەگرێبەستی دابەشکردنی داهات و بەڵێندانی بەچەند مەرجێک لەوانە( گەرەنتی شەفافیەت و ئاسایش هاوسەنگکردنی مەترسییەکانی گەندەڵی و کاریگەری چینی).ئینجا کۆمپانیا ئەمریکییەکان بڕیاری گەڕانەوەیان بۆ عێراق دا
گەڕانەوەی کۆمپانیا زەبەلاحەکانی ئەمریکا بۆ کارکردن لە عێراق دوای چەندین ساڵ لە کشانەوە هەنگاوێکی گرنگەو ئاماژەیە بۆ باشتربوونی کەشوهەوای وەبەرهێنان.
گەڕانەوەی کۆمپانیای "شێڤرۆن"ی ئەمریکی لە کێڵگەی ناسریە لە پارێزگای ذی قار دوای شەپۆلێکی پێشووی کشانەوە دێت لەلایەن ژمارەیەک کۆمپانیای گەورەی بیانییەوە. ئەم کشانەوەش بەهۆی پەرەسەندنی مەترسی یەکانی گەندەڵی و کەمی ئەزموون لە کارگێڕی گشتی و لاوازی توانای هەڵمژینی ڕۆیشتنی پارەی هاوکارییەکان، جگە لە پرسە تائیفیەکان و نەبوونی ئیرادەی سیاسی بۆ بەرەنگاربوونەوەی گەندەڵی بوو.
گەندەڵی بەرفراوان، چارەسەری ساختە، سپیکردنەوەی پارە، قاچاخی نەوت و بەرتیلدانی بیرۆکراتی بەربڵاو، بووەتە هۆی هەڵاتنی وەبەرهێنان و پێگەی وڵات لە خوارەوەی ڕیزبەندی نێودەوڵەتیی گەندەڵی، ئەمەش ڕێگری لە بنیاتنانی دەوڵەتی کاریگەر و پێشکەشکردنی خزمەتگوزارییەکان کردووە.
لە لایەکی دیکەوە گەڕانەوەی کۆمپانیا ئەمریکییەکان پەیوەستە بە چەند هۆکارێکەوە، دیارترینیان خواستی ئەمریکایە بۆ بەرپەرچدانەوەی کاریگەرییە بەرفراوانە کانی چین لە کەرتی نەوت و غازی عێراقدا. هەروەها ئەو گەرەنتیانەی کە حکومەتی عێراق سەبارەت بە شەفافیەت و سەقامگیری گرێبەستەکان و ئاسایش پێشکەشی کردبوو، وەک هاندەرێکی گرنگ کاری کرد.
گەڕانەوەی شیڤرۆن دوای ئەوە هات کە بەغدا بە سێ مەرجی کۆمپانیا ئەمریکییەکان ڕازی بوو: "یەکگرتوویی"، کە گەرەنتی تەواوکردنی ئەو ئاسانکاریانەی پەیوەستن بە پڕۆژەکانەوە؛ "ئاسایشی"، کە سەلامەتی کارمەند و پراکتیزەکردنی بازرگانی و یاسایی تەندروست لەخۆدەگرێت؛ و "ئاسانکاری ڕێکارەکان"، کە دڵنیای دەدات لەوەی گرێبەستەکە وەک خۆی دەمێنێتەوە بەبێ گوێدانە هەر گۆڕانکارییەکی حکومەت لە داهاتوودا.
لە گرێبەستە نوێیەکەدا هاتووە کە کۆمپانیاکە پشکێک لە داهاتی پڕۆژەکە وەردەگرێت دوای دەستپێکردنی بەرهەمهێنان، ئەمەش ڕەنگدانەوەی مۆدێلێکی نوێیە کە عێراق هەوڵدەدات بیگرێتەبەر بۆ ڕاکێشانی وەبەرهێنەرانی گەورە.
لەساڵی ٢٠٠٧ وە حکومەتی بەغدا دەستور جێ بەجێ ناکات و یاسای نەوت وگازی فیدراڵیش دەرناکات و بەهەموو شێوەیەک دژایەتی کورد دەکات و دەڵێت لەدەستور لایانداوەو گرێبەستی هاوبەشی لە بەرهەم هێنانیان. واژۆکردوەو سامانی وڵات بەهەدەر دەدەن کەچی لەکۆتاییدا پەنایان بۆئەو کۆمپانیانە برد کەلەهەرێمی کوردستانن و پێشبڕکێی هەرێم دەکەن بۆ هێنانی کۆمپانیا نەوتی یەکان.
لەکۆتایدا هیوام خوازین کە حکومەتی فیدراڵی عێراق لەهەموو ڕەهەندەکانی (دەستوری و یاسای ،ئابوری،سیاسی،سەربزی و ئاسایشی) بگات و هەم لەگەڵ هەرێم ڕێک بکەوێت هەم لەگەڵ کۆمپانیا نەوتیەکان و لەڕوانگەی دەستوری و کاریگەریە سیاسی و ئابوورییەکانی وڵاتانی سەرمایەداری جیهانی بگات و کۆتایی بەکێشەکانی بهێنێت.