هەرێم نیوز
گۆڤاری "ئاتلانتیک" لە زاری چەند سەرچاوەیەکی ئاگادارەوە بڵاویکردەوە، بەرپرسە سەربازییەکانی ویلایەتە یەکگرتووەکانی ئەمەریکا خەریکی داڕشتنی پلانن بۆ ئەنجامدانی دوو هێرشی زەمینی ئەگەری بۆ سەر خاکی ئێران.
بەپێی ڕاپۆرتەکە، هێرشی یەکەمی ئەگەری، دوورگەی "خارگ" دەکاتە ئامانج؛ لە کاتێکدا ئامانجی هێرشی دووەم دەستبەسەرداگرتن و گەیشتنە بە یۆرانیۆمی پیتێنراوی ئێران.
ئەم سەرچاوەیە ئاماژەی بەوەش کردووە کە تاوەکو ئێستا دۆناڵد ترامپ، سەرۆکی ئەمەریکا، بڕیاری کۆتایی لەسەر پەسەندکردنی هیچ کام لەو بژاردانەی هێرشی زەمینی نەداوە.