هەرێم نیوز
پەیامێکی کتوپڕ و تونددا هەڕەشەی تەقاندنەوەی تەواوی کێڵگەی غازی "پارسی باشوور"ی لە ئێران کرد، ئەگەر تاران جارێکی دیکە دامەزراوەکانی وزە لە وڵاتی قەتەر بکاتە ئامانج.
سەرۆک ترەمپ بەربەیانی ئەمڕۆ پەردەی لەسەر هێرشێکی نوێ لادا و ڕایگەیاند:
• هێرشی ئیسرائیل: ئیسرائیل بەهۆی "توڕەیی" لەو ڕووداوانەی لە ناوچەکە دەگوزەرێن، هێرشی کردووەتە سەر بەشێکی بچووک لە کێڵگەی غازی پارسی باشوور لە ناوخۆی ئێران.
• بێئاگایی ئەمریکا: ترەمپ جەختی کردەوە کە واشنتن و قەتەر هیچ زانیارییەکی پێشوەختەیان لەسەر ئەو هێرشەی ئیسرائیل نەبووە.
• کاردانەوەی "ناڕەوای" ئێران: سەرۆکی ئەمریکا ڕەخنەی لە تاران گرت کە بەهۆی ئەو هێرشەوە، "بە شێوەیەکی نادادپەروەرانە" هێرشی کردووەتە سەر دامەزراوەکانی غازی قەتەر.
ترەمپ لە پەیامەکەیدا هێڵی سووری بۆ ئێران کێشا و ڕایگەیاند: "ئەگەر ئێران جارێکی دیکە بە ناژیرانە بڕیار بدات هێرش بکاتە سەر دامەزراوەکانی غازی قەتەر، ئەوا ئەمریکا بە یارمەتی یان بەبێ یارمەتی ئیسرائیل، تەواوی کێڵگەی غازی پارسی باشوور دەتەقێنێتەوە."
هەروەها وتیشی: "نامەوێت ئەو ئاستە لە وێرانکاری ڕووبدات بەهۆی کاریگەرییە درێژخایەنەکانی لەسەر داهاتووی ئێران، بەڵام ئەگەر جارێکی دیکە دەستدرێژی بکرێتە سەر قەتەر، درێغی ناکەم."