هەرێم نیوز
فەرماندەیی سوپای پاسداران لە پارێزگای کوردستان (ڕۆژهەڵاتی کوردستان) ڕاگەیەندراوێکی توندی بڵاوکردەوە و تێیدا جەختی لە کۆنترۆڵکردنی تەواوەتیی سنوورەکان و ناوچەکە کردەوە، هاوکات هۆشداریی دا بە لایەنە ئۆپۆزسیۆنەکان کە بە "دژە شۆڕش" وەسفی کردن.
لە ڕاگەیەندراوەکەی سوپای پاسداران کە ئەمڕۆ چوارشەممە، ١٨ی ئاداری ٢٠٢٦ بڵاوکراوەتەوە، هاتووە:
• ئامادەباشی هێزەکان: سنوورەکانی پارێزگا لەژێر کۆنترۆڵی "هێزە گیانفیداکان"دایە و ڕێگە نادرێت کوردستان ببێتە شوێنی تەراتێنی لایەنە نەیارەکان.
• وەڵامدانەوەی توند: سوپای پاسداران دەڵێت: "لە ئەگەری بچووکترین هاندانی دژە شۆڕش، بە توندی و بە شێوەیەکی بڕیاردەرانە بەرەوڕوویان دەبینەوە."
سوپای پاسداران پەیامێکی ئاراستەی دانیشتووانی پارێزگای کوردستان کردووە و داوایان لێدەکات:
1. بایکۆتی هەواڵەکان: بایەخ بە پڕوپاگەندە و ئەو هەواڵە نافەرمییانە نەدەن کە لە فەزای مەجازیدا بڵاو دەکرێنەوە.
2. مانەوە لە شەقام: داوا لە خەڵک کراوە مەیدان و شەقامەکان چۆڵ نەکەن تاوەکو "نیشتمانفرۆشان" نەتوانن ئاسایشی پارێزگاکە تێک بدەن.
3. هەماهەنگیی ئەمنی: ئاماژە بەوە کراوە کە "سەوزپۆشانی سوپا" لەگەڵ دەزگا هەواڵگری و ئەمنییەکان بە شەو و ڕۆژ لە ئەرکدان بۆ پاراستنی ئارامیی ناوچەکە.