هەرێم نیوز
وەزارەتی ناوخۆی حکوومەتی هەرێمی کوردستان له ڕاگه‌یه‌نراوێكدا ده‌نگۆیه‌ك ڕه‌تده‌كاته‌وه کە گوایە شەوی ڕابردوو لە هەولێر بە درۆن هێرش کراوەتە سەر بنکەیەکی سەر بە ئیسرائیل.
ئەمڕۆ هه‌ینی، وەزارەتی ناوخۆی حکوومەتی هەرێمی کوردستان ڕایگه‌یاند، لە چەند میدیایەکی ئەلیکترۆنی فەرمی لە ئێران، وا بڵاوکراوەتەوە، کە گوایە شەوی ڕابردوو لە هەولێر بە درۆن هێرش کراوەتە سەر بنکەیەکی سەر بە ئیسرائیل.
دەقی راگەیاندراوەکە:
لە چەند میدیایەکی ئەلکترۆنیی فەرمی لە ئێران، وا بڵاوکراوەتەوە کە گوایە شەوی ڕابردوو لە هەولێر بە درۆن هێرش کراوەتە سەر بنکەیەکی سەر بە ئیسرائیل.
هەمو ئەو هەواڵانە چەواشەکارین و دوورن لە ڕاستی. نە بنکەی ئیسرائیلی لە کوردستان هەن و نە ئۆپەراسیۆنی واش ئەنجام دراون.
شەوی رابردوو درۆنێک لە ناوچەیەکی چۆلەوانی لە نزیک هەولێر کەوتۆتە خوارەوە. ئەم هێرشانەش لە لایەن هەندێ گروپی سەر بە حەشدی شەعبی بە مەبەستی ئاژاوە نانەوە ئەنجام دەدرێن و پێویستە لایەنە پەیوەندیدارەکان لە حکومەتی فیدرالی سنوورێک بۆ ئەم کارە تێکدەرانە دابنێن و رێکاری یاسایی بەرامبەر بە تاوانباران بگرنە بەر.