هەرێم نیوز
عەباس عراقچی، وەزیری دەرەوەی ئێران رایدەگەیەنێت، ئەگەر دۆناڵد ترەمپ، سەرۆکی ئەمریکا دەخوازێت بگەینە رێککەوتن، دەبێت واز لە رەفتاری بێڕێزی و نەشیاوەکانی بەرامبەر عەلی خامنەیی رابەری باڵای ئێران بهێنێت.
عراقچی لە پۆستێکدا لە سەكۆی "ئێکس" جەختیکردەوە: گەلی ئێران هەڕەشەو سوکایەتی قبوڵ ناکات، ئێران دوو دڵ نابێت لە ئاشکراکردنی توانا راستەقینەکانی، ئەگەر هەندێک بە پاڵنەرە خەیاڵاوییەكانی هەڵەی گەورە ئەنجام بدات.
وتیشی: نیازپاکی بە نیازپاکی پێشوازی لێدەکرێت، رێزگرتنيش، رێزگرتنی لێ بەرهەم دێت.
ئەو وتانەی عراقچی لە وەڵامی پۆستێکی ترەمپ دادێت، كە لە سەكۆی "تروس سۆشیال" نوسیبوی: بە وردی شوێنی رابەری باڵای ئێرانمان دەزانی، بەڵام رێگەی بە ئیسرائیل و سوپای ئەمریکا نەداوە بیکوژن.ترەمپ ئاماژەی بەوەشكردبوو: تۆم لە مردنێکی ترسناک و زەلیلانە رزگار کرد، دەبوو سوپاست بکردمایە.