هەرێم نیوز
وته‌بێژى حكوومه‌تى عێراق رایدەگەیەنێت، حكوومه‌تى عێراق نیگه‌رانیى خۆى له‌سه‌ر هێرشه‌كانى ئه‌مه‌ریكا ده‌رده‌بڕێت و سه‌ركۆنه‌ى ده‌كات، هێرشه‌كانیش به هه‌ڕه‌شه‌یه‌كى ترسناك ده‌زانێت له‌سه‌ر ناوچه‌كه.
ئه‌مڕۆ یەکشەممە، باسم عه‌وادی وته‌بێژى حكوومه‌تى عێراق له راگه‌یه‌نراوێكى فه‌رمیدا، باسى له هه‌ڵوێستى وڵاته‌كه‌ى ده‌كات و ده‌ڵێت، "حكوومه‌تى عێراق زۆر نیگه‌رانه له‌و هێرشانه‌ى كراونه‌ته سه‌ر دامه‌زراوه ئه‌تۆمییه‌كان له‌ناو خاكى ئێران، ئه‌م هێرشه سه‌ربازییه هه‌ڕه‌شه‌یه‌كى ترسناكه بۆ سه‌ر ته‌ناهى و ئاشتى له ناوچه‌ى رۆژهه‌ڵاتى ناوه‌ڕاست"
وتیشی: پەرەسەندە سەربازییەکان مەترسی بۆ ئاشتی و سەلامەتی ڕۆژهەڵاتی ناوەڕاست دروست دەکات و سەقامگیری ناوچەکەش ڕووبەڕووی مەترسی گەورە دەکاتەوە.
ئەوەشی خستەڕوو کە عێراق داوای ڕێزگرتن لە سەروەری وڵاتان و بەئامانجنەگرتنی دامەزراوە گرنگەکان دەکاتەوە، بە تایبەتیش ئەوانەی کە لە ژێر چاودێری ئاژانسی نێودەوڵەتی وزەی ئەتۆمدان و بۆ ئامانجی ئاشتییانە بەکاردەهێنرێن.
باسم عەوادی ڕاشیگەیاند، عێراق جەخت دەکاتەوە کە ڕێگەچارەی سەربازی نابێتە جێگرەوەی دیالۆگ و دیپلۆماسییەت و بەردەوامبوونی ئەم هێرشانە کاریگەرییان لەسەر سەقامگیری ناوچەکە و جیهان دەبێت.
جەتیشیکردەوە لەوەی عێراق داوای دەستبەجێ هێورکردنەوە و کردنەوەیکەناڵی دیپلۆماسی خێرا بۆ کۆنترۆڵکردنی دۆخەکە دەکات.