هەرێم نیوز
سەرۆکی هەرێمی کوردستان پەیامێکی بڵاوکردەوە و رایگەیاند، ستايش و ده‌ستخۆشى بۆ به‌ڕێز مه‌زلووم عه‌بدى و ENKS و هه‌موو ئه‌و خوشك و برايانه‌ى كاريان بۆ ئه‌نجامدانى کۆنفرانسی یەکڕیزی و یەکهەڵوێستیی کورد له سووريا کرد.
نێچیرڤان بارزانی سەرۆکی هەرێمی کوردستان لە پەیامەکەیدا وتیشی، پيرۆزباييى سه‌ركه‌وتنى كۆنفرانسه‌كه له هه‌مووان ده‌كه‌م كه مايه‌ى خۆشحاڵييه‌كى زۆره و دڵى گه‌لى كوردستانى له هه‌موو شوێنێك خۆش كرد.
ئەوەشی وت، هيوادارم ببێته هۆى پته‌وكردنى یەکڕیزی و یەکهەڵوێستیی کورد كه تاقه ڕێگه‌ى مسۆگه‌ركردنى مافه‌كانى كورده له سووريا.
ڕاشیگەیاند، هه‌موو پشتگيرى و هاوكارييه‌كمان بۆ ئه‌و هه‌وڵه دڵسۆزانه و بۆ مافه ڕه‌واكانى كورد و هه‌موو پێكهاته‌كان، هه‌روه‌ها بۆ ئارامى و سه‌قامگيرى و ئاشتى له سووريا و ناوچه‌كه دووپات ده‌كه‌ينه‌وه.