هەرێم نیوز
ئەو تۆمەتبارانەی شەوی رابردوو لە سەنتەری شاری كەركووك تەقەیان لە پزیشكێك كردبوو، دەستگیركران.
پۆلیسی كەركووك لە بڵاوکراوەیەکدا ڕایگەیاند: شەوی رابردوو لە نزیك شەقامی باڵەخانەی پارێزگای كەركووك، چەند كەسێك بە سواری ماتۆڕسكیل تەقەیان لە پزپشكێكی ددان كرد دوای ئەوەی لە نۆرینگە تایبەتییەكەی هاتبووە دەرەوە.
ئاماژەی بەوەشکرد: دوای ئەنجامدانی تاوانەكە هێزەكانی پۆلیس راسپێردران بۆ دەستگیركردنی تاوانباران.
باسی لەوەشکرد: دوای تێپەڕبوونی تەنیا 6 كاتژمێر توانرا تۆمەتباری سەرەك و تەقەكەرەكە دەستگیر بكرێت و دەستبەسەر ماتۆڕسكیلەكەش بگیرێت.
پۆلیسی كەركووك جەختیشی كردەوە كە لەگەڵ تۆمەتبارە سەرەكییەكە، دوو كەسی دیكەش دەستگیركران كە دەستیان هەبوو لە ئەنجامدانی تاوانەكەدا