هەرێم نیوز
ئەمڕۆ پێنجشەممە كۆبوونەوەیەک لە نێوان محەمەد شیاع سوودانی و شاسوار عەبدولواحید بەڕێوەچوو، میدیای نەوەی نوێ باسی لەوە کرد کە پرسی مووچە تاوتوێ کراوە، بەڵام ڕاگەیەندراوەکەی سەرۆکوەزیرانی عێراق باسی مووچەی تێدا نەبووە.
پاش كۆبوونەوەكەی نێوان سوودانی و شاسوار، میدیاكانی سەر بە نەوەی نوێ بانگەشەی ئەوەیان كرد گوایە لەو كۆبوونەوەیەدا باس لە مووچەی مووچەخۆرانی هەرێمی كوردستان كراوە و تەنانەت دەیانگوت سوودانی دەڵێت ئەمساڵ مووچەی مووچەخۆرانی كوردستان دواناكەوێت.
لە بەرامبەردا، نووسینگەی محەمەد شیاع سوودانی، سەرۆك وەزیرانی عێراق، راگەیاندراوێكی بڵاوكردەوە و تێیدا دەڵێت، لەو كۆبوونەوەیەدا باس لە بابەتی پێكهێنانی كابینەی نوێی حكوومەتی هەرێمی كوردستان و چەند پرسێكی تر كراوە، بەڵام لە راگەیاندراوەكەدا بەهیچ شێوەیەك ئاماژە بەوە نەدراوە كە باس لە مووچەی مووچەخۆران كرابێت.