شکۆ احمد پەیامنێرمان لە هەڵەبجەوە پێی ڕاگەیاندین شەڕەکە لەنێوان دوو بنەماڵەی خزمی نزیک بووەو بریندارەکە ڕەوانەی نەخۆشخانە کراوە و لە ژێر چاودێریدا.
پۆلیسی شارەکەش بەڕاگەیەندراوێک دەڵێت؛ بەرواری 20 / 12 / 2024 شەڕەکە لەگەڕەکی پاشا ڕویداوەو ئەو کەسەی بریندارە ناوی ( یاد ئیسماعیل ئەسعەد ) ەو لەلایەن دوو کەسەوە بەناوەکانی ( ئاکام ڕەحیم حەمە ڕەشید ) ە و ئامۆزایەکیشی بەناوی ( ڕزگار محمود حەمە ڕەشید ) هەڵدەکوتنە سەر ماڵیان.
پۆلیس دەڵێت ( ئاکام و یاد ) خاڵۆزاو پورزای یەکترن و کێشەیەکی کۆن هۆکاری شەڕەکە بووە کە پێشتر بەهۆی برایەکی یاد بەناوی ( محمد ئیسماعیل ئەسعەد ) خوشکێکی ئاکام بەناوی ( هێرۆ ڕەحیم حەمە ڕەشید ) خۆی کوشتووەو وڵاتی جێهشتووەو هەر لەبەر ئەوەش باوکی یاد لەترسی هەڕەشەکان ماڵی لە شاری سلێمانیەوە گواستۆتەوە شاری هەڵەبجە.
وردەکاری زیاتر لەلایەن پۆلیسەوە خراوەتە ڕوو کە باوکی هێرۆ کەسێکی دەسەڵاتدار و بەناوبانگی هێزی ئەمنیەکانە و پێشتر بە ( محمد ) وتووە بێتە داوای کچەکەی ئەویش پێی وتووە با بیری لێ بکەمەوە بەڵام خۆی دەشارێتەوەو عێراق بە جێدەهێڵێت، بەپێی وتەی پۆلیس ئەمەش کاردانەوەی لای باوکی هێرۆ دروستکردووە کە بەهۆی ئەوەی قسەی شکێنراوە وناوبانگی لەکەدار بووە، دواتر هێرۆ بەو هۆیەوە خۆی دەکوژێت.
تا دواجار پاش سۆراخ کردنیان ئەمڕۆ ماڵی باوک و براکەی محمد دەدۆزرێتەوەو پاش چونە سەرماڵیان شەڕو ڕوبەڕوبونەوەکە ڕودەدات.