هەرێم نیوز
بۆ یەکەم جار دوای رووخانی دەسەڵاتی ئەسەد، شاندێکی باڵای تورکیا بە سەرۆکایەتی هاکان فیدان گەیشتە دیمەشقی پایتەختی سوریا.
ئەمڕۆ پێنجشەممە 12ـی 12ی 2024، وەزیری دەرەوەی تورکیا، هاکان فیدان و سەرۆکی دەزگای میت ئیبراهیم کاڵن، گەیشتنە دیمەشقی پایتەختی سووریا وەک یەکەم سەردانی دوای ڕووخانی دەسەڵاتی بەشار ئەسەدی سەرۆکی ئەو وڵاتە.
هێشتا ئامانج وناوەرۆکی سەردانی شاندەکەی تورکیا بۆ دیمەشق ئاشکرا نەکراوە.
لەگەڵ دەستپێکی هێرشەکانی بەرەی تەحریر شام و گرووپەکانی هاوپەیمانی، بەشێک لە وڵاتان و میدیاکانی جیهان ئاماژەیان بەوە کرد، تورکیا پشتیوانی بەرەی تەحریر شام و گرووپەکان دەکات، سەرباری ئەوەی ئەوەی، گۆڕانکارییەکانی سووریا بە پلانی ئەمەریکا و ئیسرائیل بووە.
هاوکات لەگەڵ گەیشتنی شاندەکەی تورکیا بۆ سوریا، بەڕێوەبەرایەتی ئۆپەراسیۆنە سەربازییەکانی سوریا رایگەیاند، له مەنبج و دەوروبەری و بۆماوەی چوار ڕۆژ ڕێککەوتننامەی ئاگەبەست کرا.
ئاماژەی بەوەش کردووە، بە ئامانجی ڕێگادان بە جێبەجێکردنی لێکتێگەیشتنە مرۆیی و ئەمنیەکان لەو ناوچەیەدا.