هەرێم نیوز

سوپای ئیسرائیل ئەمڕۆ کوژرانی چوار سەربازی وڵاتەكەی لە باکوری کەرتی غەززە ڕاگەیاند، بەوەش ژمارەی ئەو سەربازانەی لە سەرەتای دەستپێکردنی ئۆپەراسیۆنی زەمینیەوە كە لەساڵی ڕابردوە کوژراون، گەیشتە 367 سەرباز.

سوپا ئیسرائیل ئەمڕۆ سێشەممە لە ڕاگەیەندراوێكدا بڵاویكردەوە، "ڕێککەوتن لەسەر بڵاوکردنەوەی ناوی ئەو چوار سەربازەی کە ئەمڕۆ سێشەممە لە شەڕەکانی باکوری کەرتی غەززە كوژراون".

ئاماژەی بەوەشكرد، هەر لە شەڕەكانی باكوری كەرتی غەززەدا، ئەفسەرێکی باڵای سوپای ئەو وڵاتە بە سەختی برینداربوە، هەروەها ژمارەی سەربازە كورژاوەكانیان بە فەرمی گەیشتە 367 سەرباز.

لەلایەكی دیكەوە میدیاکانی ئیسرائیل بڵاویانکردەوە، لە سەرەتای شەڕی غەززەوە تا ئێستا نزیکەی 12 هەزار سەربازی برینداری سوپای ئەو وڵاتە، ڕویان لە نەخۆشخانەکان كردوە بەمەبەستی وەرگرتنی چارەسەر.

لایخۆیەوە ڕۆژنامەی یەدیوت ئەحرۆنۆت ڕایگەیاند، لە ماوەی مانگێکدا لە ئۆپەراسیۆنە سەربازییەکەی لوبنان 900 بریندار تۆمارکراون و بەگشتی هەمو مانگێک نزیکەی هەزار بریندار ڕویان لە نەخۆشخانەكانی لە بەشی چاکسازی لە وەزارەتی بەرگری ئەو وڵاتە كردوە.