هەرێم نیوز
وه‌زیری ده‌ره‌وه‌ی ئێران بڕیاره ئه‌مڕۆ سه‌ردانی عێراق بكات و لەگەڵ فواد حسێن، وەزیری دەرەوەی عێراق و بەرپرسانی دیکەی باڵای حکوومەتی عێراق دیدار و گفتوگۆی دەبێت. ئیسماعیل بەقایی گوتەبێژی وەزارەتی دەرەوەی ئێران بە مێدیاکانی وڵاتەکەی ڕاگەیاندووە: عەباس عراقچی وەزیری دەرەوەی کۆماری ئیسلامی ئێران سەردانی بەغدا دەکات.
"ئەمڕۆ، 13ی تشرینی یەکەمی 2024، عەباس عراقچی، وەزیری دەرەوەی کۆماری ئیسلامی ئێران سەردانی بەغدا دەکات".
ئاماژەی به‌وه‌شكردووه، لە چوارچێوەی گەشتە دیپلۆماتییەکەیدا بۆ ناوچەکە، عراقچی بە سەرۆکایەتیی شاندیكی حکوومەتیی کۆماری ئیسلامی دەگاتە بەغدا و لەگەڵ فواد حسێن، وەزیری دەرەوەی عێراق و بەرپرسانی دیکەی باڵای حکوومەتی عێراق دیدار و گفتوگۆی دەبێت.
گوتەبێژەکه ئاشكراشی كردووه،ئامانج له سه‌ردانه‌كه بەهێزکردن و فراوانکردنی پەیوەندییە ئابووری و ئه‌منییه‌كانی نێوان هه‌ردوولایه و دوا پێشهاتەکانی ناوچەکە و شەڕی ئیسرائیل لەگەڵ فەڵەستین و لوبنان تاوتۆی ده‌كه‌ن.