هەرێم نیوز
سوپای پاسدارانی ئێران ڕایدەگەیەنێت، دوای هەوڵ و گەڕانێكی زۆر، تەرمی عەباس نیلفڕۆشان جێگری ئۆپەراسیۆنەکانی سوپای پاسدارانی ئێران لە لوبنان دۆزرایەوە، كە لە هێرشەكەی ئێوارەی 27ی مانگی ڕابردووی ئیسرائیل لەگەڵ حەسەن نەسروڵا كوژران.
سوپای پاسدارانی ئێران ئەمشەو لە ڕاگەیەندراوێكدا بڵاویكردەوە، پاش هەوڵ گەڕانێكی زۆری 24 كاتژمێری، ئەمڕۆ تەرمی عەباس نیلفڕۆشان جێگری ئۆپراسیۆنەکانی سوپای پاسدارانی ئێران لە باشوری بەیروتی پایتەختی لوبنان دۆزرایەوە.
ئاماژەی بەوەشكرد، عەباس نیلفڕۆشان پێش دوو هەفتە و لە هێرشێكی ئاسمانی ئیسرائیل بۆ سەر بەیروت، لەگەڵ حەسەن نەسروڵا ئەمیندارای گشتی حزبوڵای لوبنان كوژران.
نیلفۆرشان، بەرپرسێکی باڵای سپای قودس بوو کە ئۆپەراسیۆنە دەرەکییەکانی سپای پاسدارانی ئێرانی بەڕێوەدەبرد، لە ڕۆژی هه‌ینی 27ى 9ى 2024 له گه‌ڵ نەسروڵا کوژرا.