وەرگێڕانی لە ئینگلیزیەوە بۆ کوردی : داستان غفور فتح اللە

هەردووکیان، تەندروستی و لەشجوانی پەیوەندییەکی نزیکیان بە یەکەوە هەیە.

هەردووکیان پێویستن بۆ ئەوەی مرۆڤ ژیانێکی خۆش و تەندروست بژی. شتگەلێکی جۆراوجۆر هەیە کە دەبێت بە درێژایی ژیان ئاگاداری بین بۆ ئەوەی تەندروست و لەشجوانی بین. جێگرەوەی تەندروستی و لەشجوانی نییە، دەبێت لە کاتی خۆیدا خۆراکی تەندروست بخۆین، ڕۆژانە وەرزشی جەستەیی بکەین، بیرکردنەوەیەکی ئەرێنی بکەین و سەبر و پابەندبوونمان هەبێت بەرامبەر بە شێوازی ژیانی باش.

بەشداریکردن لە چالاکییە جەستەییەکان بە شێوەیەکی ڕۆژانە شتێکی گەورە بۆ جەستە و دەروونمان دەکات. هەستێکی باشمان پێدەبەخشێت، یارمەتیمان دەدات بۆ تەواوکردنی ئەرکە قورسەکان، هەموو دەوروبەرمان دڵخۆشمان دەکات و هەموو کاتێک دڵخۆشمان دەکات چونکە جەستەمان ماددەیەکی کیمیایی دەردەدات کە پێی دەوترێت ( ئەندۆرفین)  لەکاتێکدا بەشداری چالاکییە جەستەییەکان دەکەین.

هەروەها چالاکییە جەستەییە بەردەوامەکان فشاری دەروونی کەمدەکاتەوە، خەو باشتر دەکات، ئاستی وزە بەرز دەکاتەوە، نیشانەکانی دڵەڕاوکێ و خەمۆکی کەمدەکاتەوە، خۆبەگەورەزانینمان زیاد دەکات، وامان لێدەکات هەست بە شانازی بکەین، ئاستی متمانە و کەسایەتی باشتر دەکات و هتد.

لە ڕووی جەستەییەوە وەرزشکردن زۆر باشە بۆ ماسولکە و دڵ و سییەکانمان. هەندێک سوودی زیاتری چالاکییە جەستەییەکان بریتین لە؛

ئێسکەکانمان بەهێز دەکات، لە قەڵەوی ڕزگارمان دەکات بە پەرەپێدانی کێشێکی تەندروست، لە نەخۆشی شەکرە ڕزگارمان دەکات، یارمەتیمان دەدات بۆ دروستکردنی خووی تەندروست، دوورمان دەخاتەوە لە شێرپەنجە، ڕێگری دەکات لە بەرزی پەستانی خوێن، و کێشە گەورەکانی تر.

بەم شێوەیە لە ڕێگەی وەرزشی بەردەوام و خواردنی تەندروست لە کاتی خۆیدا، بە ئاسانی دەتوانین تەندروستی و لەشجوانیمان بپارێزین.

وەرگیراوە لە :

 https://infinitylearn.com/surge/english/paragraph/paragraph-on-health-and-fitness/