هەرێم نیوز
بڕیاری کەمکردنەوەی ڕەسمی گومرگی سەر ئاژەڵی زیندووی هاوردە جێبەجێ دەکرێت.
بەپێی گشتاندنێکی بەڕێوەبەرایەتی گشتی گومرگی هەرێمی کورستان، ئاماژە بە کۆبوونەوە و بڕیاری ئەنجومەنی وەزیرانی هەرێمی کوردستان لە ڕۆژی چوارشەممە ٢٠٢٤/٣/٢٧ کراوە، بڕیارێک بە مەبەستی کەمکردنەوەی نرخی گۆشتی سوور و لە پێناو بەرژەوەندی گشتی دەردەکرێت.
لە بڕیارەکەدا هاتووە، لە ڕۆژی هەینی ٢٠٢٤/٣/٢٩ ڕەسمی گومرگی سەر ئاژەڵی زیندووی هاوردە بە ڕێژەی لە ٥٠٪ کەمدەکرێتەوە و بڕیارەکەش لەسەرجەم بەڕێوەبەرایەتییەکانی گومرگ جێبەجێ دەکرێت.