هەرێم نیوز
سەرۆک کۆماری عێراق لەگەڵ وەزیری دارایی عێراق کۆبووە و رایگەیاند، پێویستە پەلەبکرێت لە خەرجکردنی موچەی فەرمانبەرانی هەرێم.
د.لەتیف رەشید سەرۆککۆماری عێراق پێشوازیکرد لە تەیف سامی وەزیری دارایی و جەختیکردەوە لە پێویستی پەلەکردن لە خەرجکردنی موچەی فەرمانبەرانی هەرێم و خانەنشینانی مەدەنی و سەربازی و کەسوکاری شەهیدان و ئەنفالکراوان و گرێبەستەکان و سودمەندانی تۆڕی پاراستنی کۆمەڵایەتی.
سەرۆك کۆمار ئاماژەی بە گرنگی گرتنەبەری پلانی ستراتیژی مۆدێرن کرد، کە ئاستی ئابوریی عێراق گەشەپێبدات و کار بۆ دەستەبەرکردنی لایەنی دارایی حکومەت و هاووڵاتیان بکات.
جەختیکردەوە لە پێویستی پەلەکردن لە خەرجکردنی موچەی فەرمانبەرانی هەرێم و خانەنشینانی مەدەنی و سەربازی و کەسوکاری شەهیدان و ئەنفالکراوان و گرێبەستەکان و سودمەندانی تۆڕی پاراستنی کۆمەڵایەتی بەتایبەتدوای بڕیارەکەی دادگای فیدراڵی.
ئاماژەی بەوەشکرد، دواکەوتنی خەرجکردنی شایستە داراییەکانی ئەو چین و توێژانە، راستەوخۆ کاریگەرییان لەسەر بارودۆخی ژیان و ئابوری و کۆمەڵایەتی لە هەرێمدا هەبوە.