هەرێم نیوز
بەڕێوەبەری گشتیی بازرگانیی هەرێم رایگەیاند، لە هەوڵی ئەوەدان پسوڵەی خۆراکی سەرجەم شارەکانی هەرێم بکەنە ئەلیکترۆنی.
نەوزاد کامیل ، بەڕێوەبەری گشتیی بازرگانیی هەرێم لە لێدوانێكی رۆژنامەوانیدا ئاماژەی بەوەشکرد، لەسەر ئاستی عێراق لە شەش پارێزگا و لە هەرێمیش لە پارێزگای دهۆک پسوڵەی بەشەخۆراک گۆڕاوە بۆ ئەلیکترۆنی، لە هەوڵی ئەوەشدان لە پارێزگاکانی سلێمانی و هەولێر پسوڵەی خۆراک بکەنە ئەلیکترۆنی.
وتیشی، پێشنیاز کراوە کە لە ساڵی نوێدا چەند ماددەیەکی نوێ بۆ بەشەخۆراکی مانگانەی هاوڵاتیان زیاد بکرێت، کە شیر و پەنیر و ئاردی سفرن.
لەبارەی بڕینی بەشە خۆراکی ئەو خێزانانەی مووچەکانیان بەرزە وتی ، ئەو کەسانەی مووچەکانیان لە دوو ملیۆن دینار زیاترە یان لە دەرەوەی وڵات دەژین، بەشەخۆراکیان دەبڕدرێت.
بەڕێوەبەری گشتیی بازرگانیی هەرێم ئاماژەی بەوەشکرد، تائێستا لە عێراق و هەرێم ١٠ بەشە خۆراک دابەشکراوە و لە ساڵی نوێدا هەوڵ دەدەن کوالێتی بەرهەمەکان بگۆڕدرێت و باشتر بکرێت.