هەرێم نیوز
کلینیکی جوانکاری و چاندنەوەی قژ لێکۆڵینەوەی تێدا دەکرێت
بە پێی ڕاپۆرتی دەیلی مەیل؛ کریستیانۆ ڕۆناڵدۆ خاوەنی زۆرترین موچەی یاریزانانێکی تۆپی پێ یە لە جیهاندا لە ساڵی 2023، بەگوێرەی گۆڤاری فۆربێس، بەشێک لە داهاتەکەی بە وەبەرهێنان لە ڕێکخراوە بازرگانییە جیاجیاکان دەستدەکەوێت، ئێستاش، پێدەچێت بەرژەوەندییە داراییەکانی ڕۆناڵدۆ پەیوەست بە کلینیکەکانی چاندنی قژ بخرێتە مەترسییەوە!
دوابەدوای لێکۆڵینەوەکانی ئیدارەی باجی ئیسپانیا، کلینیکەکانی چاندنی قژی ئینسپاریای بۆ وەبەرهێنانی کریستیانۆ ڕۆناڵدۆ و هاوبەشەکەی جۆرجینا ڕۆدریگێز، بەهۆی دەرکردنی فاکتورە بەبێ باجی بەهای زیادکراو لە ماوەی ساڵانی ٢٠١٩ تا ٢٠٢١، لەژێر چاودێری و پشکنینی یاساییدا بوون .
هەروەها هەواڵەکان باس لەوە دەکەن کە ئەم کلینیکانە هەندێک جار هەوڵیان داوە خۆیان لە باج بدزنەوە بە دەرکردنی فاکتورەی ساختە.
لێکۆڵینەوەکان سەبارەت بە خۆدزینەوە لە باجی کریستیانۆ ڕۆناڵدۆ و هاوبەشەکەی بەردەوامە و ئەگەر تاوانەکە سەلمێنرا ئەوا دەدرێنە دادگا.