هەرێم نیوز
میدیای عێراقیی ڕایدەگەیەنێت، ڕێککەوتن کراوە بۆ لابردنی ئەو گۆڕانکارییانەی پەیوەست بە پشکی هەرێمی کوردستان لە بودجەی گشتیی عێراق کراوە.
ئەمڕۆ دووشەممە، میدیا عێراقیەکان ئاشکرایانکرد، ڕێککەوتنی سیاسی کراوە و بڕیاردراوە گۆڕانکارییەکانی پەیوەست بە پشکی هەرێم لە بودجەی گشتی عێراق لاببرێت.
ئاماژە بەوەشدراوە، لەجیاتی گۆڕانکارییەکان سود لە دەقی ڕێککەوتنەکەی حکومەتی عێراق و حکومەتی هەرێم وەرگیراوە و هەندێک بڕگەی تێدا دەستکاریکراوە.
بڕیارە شاندێکی هەرێمی کوردستان لەگەڵ بەرپرسانی عێراق لەبەغدا دواین گۆڕانکارییەکانی پەیوەست بە بودجەی عێراق و پشکی هەرێم تاوتوێبکەن.