دواین هەواڵ

ئابوری‌

 27/03/2023

بانکی جیهانی پابەندی خۆی بۆ پاڵپشتی دارایی عێراق دووپات دەکاتەوە

هەرێم نیوز

بانکی جیهانی دووپاتیکردەوە کە بە تەواوی پاڵپشتی و هاوکاری سیستەمی بەڕێوەبردنی دارایی گشتی عێراق دەکات.

بە گوێرەی راپۆرتێکی ئاژانسی هەواڵی عێراقی، لیژنەی دارایی ژمارەیەک لە ئەندامەکانی پێشوازیان لە شاندێکی بانکی جیهانی کردووە، لە کۆبووەوەیاندا تاوتوێی قەرزەکانی بانکی جیهانی لە نێو پڕۆژە یاسای بودجەی 2023 و میکانیزمی سیستەمی دارایی کردووە.

هەروەها لە کۆبوونەوەکەدا لیژنەی دارایی تاوتوێی رێوشوێنی گونجاوی بۆ جێبەجێکردنی پڕۆژەکان کردووە کە لەگەڵ بانکی جیهانی واژۆیان لەسەر کراوە، هەروەها جارێکی دیکە چاوخشاندنەوەیان بۆ خێرا جێبەجێکردنی پڕۆژەکان لە تەواوی عێراقدا کردووە.

لە کۆبوونەوەکەدا جەخت لە هەمەچەشنکردنی سەرچاوەکانی داهات و بەکارهێنانی سیستەمی ئەلیکترۆنی لەبری سیستەمی نەختینەیی کراوەتەوە.



Copyright © 2020 All Rights Reserved Designed And Developed By AVESTA GROUP