هەرێم نیوز

پشتیوان سادق، ئەندامی مەکتەبی سیاسی پارتی، بە میدیایەکی نزیک لە حزبەکەی راگەیاندوە، کێشەکانی نێوان پارتی و یەکێتی ئەوەندە نین چارەسەر نەکرێن. 

وتیشی: "هەر دەبێت کۆببینەوە، کەمێک زووتر یان درەنگتر کۆبوونەوە هەر دەبێت بەڕێوەبچێت و پارتی کێشەی لەگەڵ بازنەی هەڵبژاردن نییە".

سەبارەت بە شایستە داراییەکانی هەرێم لە بەغدا، ئەو مەکتەب سیاسییەی پارتی وتی: "حکومەتی هەرێم مانگانە پێویستی بە 620 ملیۆن دۆلارە، کاتێک دۆلارێک بە 1450 دینار بوو، ئەو بڕەی حکومەتی عێراق دەینارد، 137 ملیۆن دۆلار بوو، ئەمەش لەکاتێکدا داهاتی مانگانەی عێراق لە هەشت ملیار دۆلار کەمتر نییە".

ئاماژەی بەوەشکرد، پێمان سەیرە بۆ ئەو بڕە پارەیە بەو شێوەیە مامەڵە لەگەڵ هەرێم دەکەن.