هەرێم نیوز
بەرەبەیانی ئەمڕۆ لە ناحیەی تەکیەی چەمچەماڵ بەهۆی گڕگرتن و تەقینەوەی بوتڵی گازەوە، ژنێک لەکاتی ئامادەکردنی خوانی بەیانی بریندار بوو.
مەمەند رەشید، بەڕێوەبەری ناحیەی تەکیە ڕایگەیاند، رووداوەکە کاتژمێر 06:00ی بەیانی بووە، بەهۆی گڕگرتنی بوتڵەکە و تەقینەوەیەوە، ژنەکە چەند شوێنێکی سووتاوە و رەوانەی نەخۆشخانەی فریاکەوتنی سلێمانی کراوە.
لە لایەکی دیکەوە، شەریف رەحیم، وتەبێژی تەندروستیی چەمچەماڵ دەڵێت، "ئافرەتەکە تەمەنی 50 ساڵە، چارەسەری پێویستی بۆ کراوە و تەندروستیی جێگیرە."
بەهۆی ئەو رووداوەوە، بەشێکی زۆری ماڵەکە ئاگری گرتووە و داڕووخاوە. چەند خانوویەکی دراوسێکیانیش زیانیان پێگەیشتووە.