هەرێم نیوز
سەرۆک وەزیرانی عێراق رایگەیاند، هەمو هێرشێکیش بۆسەر خاکی عێراق رەتدەکەینەوە و رێوشوێنیش بۆ دوبارەنەبونەوەی هێرشەکان دەگرینەبەر.
ئەمرۆ سێشەمە، 22ی 11ی 2022، محەمەد شیاع سودانی، سەرۆک وەزیرانی عێراق لەبارەی هێرش و بۆردومانەکان ئێران بۆسەر خاکی هەرێمی کوردستان پەیامێکی بڵاوکردەوە و رایگەیاند، بۆردومانەکان بە رەزامەندی حکومەتی فیدڕاڵ نەبون و هەمو هێرشێکیش بۆسەر خاکی عێراق رەتدەکاتەوە.
ئەوەشی خستوەتەڕو، "بڕیارمان لەبارەی پێشێلکردنی سەروەری خاکی عێراق دەبێت و رێوشوێنیش بۆ دوبارەنەبونەوەی هێرشەکان دەگرینەبەر".
ئاماژەی بەوەش کردووە، "هێرشەکان بە رەزامەندی حکومەتی عێراق نەبوە، بۆیە لە دو رۆژی داهاتودا کۆبونەوەمان دەبێت بۆ دوبارەنەبونەوەی هێرشەکان".
ئەمەش لەکاتێکدایە، دوێنێ سوپای پاسدارانی ئێران بە درۆن و موشەک هێرشیکردەسەر بارەگاکانی حزبی دیموکراتی کوردستانی ئێران لە کۆیە و جێژنیکان لە بەحرکەی هەولێر، هەروەها بارەگاکانی حزبی کۆمەڵەی شۆڕشگێڕیش لە زڕگوێز کرانە ئامانج، لە هێرشەکەی کۆیەشدا پێشمەرگەیەک شەهیدبو.