هەرێم نیوز 

پۆلیسی زاخۆ رایگه‌یاند، له‌ناو گازینۆیەكی قه‌زای زاخۆ لەئەنجامی دروستبونی شەرێك  گه‌نجێكی ته‌مه‌ن 31 ساڵان كوژراوه و  تۆمه‌تباری رووداوەكەش ده‌ستگیركراوه‌.

بەڕێوەبەرایەتی پۆلیسی زاخۆ له‌ڕاگه‌یه‌ندراوێكدا دەڵێت، ئەمشەو 23- 9- 2022 له‌ناو یه‌كێك له‌ گازینۆکانی قەزای زاخۆ شەڕ لە نێوان دوو وکەس دروست دەبێت و لەئەنجامدا گەنجێكی تەمەن31 ساڵ  به‌چه‌كی جۆری بە دەمانچە دەكوژرێت.

راشیگەیاندوە، كوژراوەكە ناوی  (و، ج، ع)  تەمەنی 31 ساڵە لەلایەن کەسێکی دیکە بەناوی (ا. ع . ع) كوژراوە.

ئاماژەی بەوەشكردوە، هێزه‌كانی پۆلیس راستەو خۆ گەیشتونەتە شوێنی رووداوەكە و توانیویانه‌ تۆمه‌تباری سه‌ره‌كی ده‌ستگیربكه‌ن و ده‌ستیش به‌سه‌ر ئه‌و چه‌كه‌دا بگرن كه‌ تاوانه‌كه‌ی پێ ئه‌نجامدراوه‌.