دکتۆر لطیف نجیب عبداللە پسپۆری (دبلۆمی باڵا) نەشتەرگەری گشتی و هەناوی بۆمان باسدەکات، دروست بونی چەوری زۆر لەسەر جگەر کێشەی تەندروستی دروست ئەکات ئەگەر بگاتە رێژەی 5_10%..

بە سێ قۆناغ تێ ئەپەرێت:

1. ئاوسان

2. بە ڕیشال بوون

3. پەک کەوتنی جگەر کە مەترسی بۆ ژیان دروست ئەکات و هەنێک جارهۆکارە بۆ شێرپەنجەی جگەر. 

دوو جۆری هەیە:

1.بە هۆی خواردنەوەی مەی

2. هۆکاری تر وەک قەڵەوی و نەخۆشی شەکرە و بەرزی چەوری خوێن و خواردنی هەنێک دەرمانی وەک تامۆکسیفین و ئەمیۆدارۆن و دیلتیازێم.

نیشانەکانی:

لەسەرەتادا نیشانەی نیە تا نزیک پەک کەوتنی جگەر. وەک ئازاری سک و دابەزینی کێش و دڵ تێکەڵهاتن و زەردوویی و ئاوسان وماندوویی وبێ هێزی و ناتەواوی هۆش.

دەست نیشان کردنی بە پشکنینی خوێن بۆ ئەنزیمەکانی جگەر و سۆناروتیشکی CT scanووەرگرتنی شانە لە جگەرو فایبرۆسکان.

خۆپاراستن:

دابەزینی کێش. وازهێنان لە مەی. کۆنترۆلی چەوری خوێن و شەکرە. وەرزشی بەردەوام.

چارەسەر:

لە قۆناغە سەرەتاییەکاندا بەکارهێنانی هەنێک دەرمان لەوانە ڤیتامین E وەهەندێکی ترکە لە ژێر سەرپەرشتی پزیشک ئەدرێن و جگە لە جێ بەجێ کردنی هەنگاوەکانی خۆپاراستن.