هەرێم نیوز
کەشناسی هەرێم پێشبینی دەکات، ئەمڕۆ ئاسمان ساماڵ و پەڵە هەور دەبێت بە گشتی و سبەینێ چوارشەممە باران بارین دەستپێدەکاتەوە .

بەڕێوەبەرایەتی کەشناسی و بومەلەرزانی هەرێم بڵاویکردووەتەوە کە سبەى چوار شەممە لە کاتەکانى ئێوارەدا باران لە ناوچە جیاجیاکان دەبارێت وە لە شەودا لە زۆربەى ناوچەکان باران بارین دەبێت.

دەشڵێت، سەرچاوەى ئەو باران بارینە نزمە پاڵە پەستۆى دەریاى ناوەڕاستە .

کەشناسی هەرێم ئەوەشی وتووە، ئاستى دابارین ناوچە شاخاوییەکان مامناوەند دەبێت لە هەندێ ناوچەى تر نمە باران دەبێت لەگەڵ بەفر بارین لە ناوچە شاخاوییە بەرزە سنووریەکان.

کەشناسی ئاماژەی بۆ ئەوەشکردووە، کە رۆژى پێنجشەممە لە کاتەکانى نیوەڕۆ کۆتاى بە باران بارین دێت .