سەرەکی
کوردستان
عێراق
جیهان
ڕاپۆرت و چاوپێکەوتن
بیروڕا
ئابوری
کۆمەڵایەتی
وەرزش
هەمەڕنگ
تەندروستی
کلتور
گەلەری
ڤیدیۆ
دواین هەواڵ
ڕاپۆرت و چاوپێکەوتن
21/07/2021
پیاوه ئه‌منییه‌كه‌ی تاران له وه‌زاره‌تی ناوخۆى عێراق پۆستێكی هه‌ستیار وه‌رده‌گرێت
هه‌رێم نیوز
میدیا عێراقییه‌كان بڵاویانكردوه‌ته‌وه، ئه‌بو عه‌لی به‌سری، یه‌كێك له كه‌سایه‌تییه نزیكه‌كان له میلیشیاكانی شیعه، كراوه به وه‌كیلی وه‌زیری ناوخۆ بۆ كاروباری هه‌واڵگری.
له 21-1-2021دا ته‌قینه‌وه‌یه‌ك له ساحه ته‌یه‌رانی به‌غدا رویداو 32 كه‌س كوژران و 110 كه‌س برینداربون، دوای ته‌قینه‌وه‌كه كازمی فه‌رمانیدا ژماره‌یه‌ك به‌رپرس له كاره‌كانیان دوربخرێنه‌وه‌و یه‌كێك له‌و به‌رپرسانه‌ش عه‌بدولكه‌ریم عه‌بد حوسه‌ین به‌سری (ئه‌بو عه‌لی به‌سری) بو، كه ئه‌وكات له پۆستی به‌ڕێوه‌به‌ری ده‌زگای هه‌واڵگری و ڕوبه‌ڕوبونه‌وه‌ی تیرۆر (شانه‌ی هه‌ڵۆكان) بو له وه‌زاره‌تی ناوخۆ.
ئه‌و بڕیاره‌ی كازمی له‌كاتی خۆیدا وه‌ك شۆكێك وابو بۆ میلیشیاو حیزبه نزیكه‌كانی سه‌ر به ئێران له عێراقداو دوابه‌دوای بڕیاره‌كه‌ش به‌رپرسی ئه‌منی كه‌تیبه‌كانی حیزبوڵا زۆر به توندی كه‌وته وێزه‌ی مسته‌فا كازمی له تۆڕی كۆمه‌ڵایه‌تی تویته‌ر و ئه‌وه‌ی چریكاند، كه "قۆستنه‌وه‌ی تاوانی ساحه‌ی ته‌یران بۆ پاككردنه‌وه‌ی حساب له‌گه‌ڵ هه‌ندێك له فه‌رمانده ئه‌منیه‌كاندا، ئه‌وپه‌ڕی هیچ و پوچیه‌وه‌و ناكرێت هه‌روا به ئاسانی تێبپه‌ڕێت".
به‌سری كێیه؟
هه‌مو ئه‌و هێرش و قسانه‌ی له‌سه‌ر كازمی ده‌كرێت له په‌نای ئاماژه‌دان به سه‌ندنه‌وه‌ی متمانه لێی، ئه‌وه ده‌رده‌خات كه به‌سری بۆ حیزب و میلیشیاكانی نزیك له ئێران زۆر گرنگه‌و ئه‌وه‌ش ئه‌و پرسیاره دێنێته پێشه‌وه كه ئه‌بو عه‌لی به‌سری كێیه؟
"پیاوێكی له‌سه‌رخۆ و كه‌مدوه" ئه‌مه قسه‌ی ئه‌حمه‌د یاسری، رۆژنامه‌نوسه له‌باره‌یه‌وه.
یاسری ده‌ڵێت "ئێران ئه‌وی له ناو وه‌زاره‌تی ناوخۆدا چاندوه‌و تا ده‌زگاكانی ئاسایشی ناوخۆ ببه‌ستێته‌وه‌و به سوپای پاسدارانی ئێرانه‌وه".
به وته‌ی ئه‌و ڕۆژنامه‌نوسه "شه‌ش ساڵه فه‌یله‌قی به‌در له ڕێگه‌ی به‌سریه‌وه ده‌ستیگرتوه به‌سه‌ر وه‌زاره‌تی ناوخۆداو ئه‌و یه‌كێك بوه له پایه‌كانی سه‌ره‌تای حیزبی ده‌عوه‌و له حه‌فتاكاندا مامۆستا بوه له به‌سره، وه هیچ پله‌یه‌كی سه‌ربازی ڕه‌سمی نیه".
شانه‌ی هه‌ڵۆكان له‌لایه‌ن خودی به‌سریه‌وه بۆ ڕوبه‌ڕوبونه‌وه‌ی داعش دروستكراوه‌و وه‌زاره‌تی ناوخۆ هیچ ده‌سه‌ڵاتێكی نه‌بوه به‌سه‌ریداو به‌شێوه‌یه‌كی سه‌ربه‌خۆ كاره‌كانی خۆی كردوه.
ئه‌حمه‌د یاسری باسی له‌وه‌كردوه، له هه‌شتاكاندا به‌سری چوه‌ته ئێران و له‌وێ به‌شداربوه له دروستكردنی فه‌یله‌قی قودس و دواتر له ناوه‌ڕاستی هه‌شتاكان تا كۆتایی نه‌وه‌ده‌كان، فه‌رمانده‌ی فه‌یله‌قه‌كه بوه.
هاوكات ئه‌وه‌شی وتوه، به‌سری په‌یوه‌ندی دێرین و شاره‌زایی ساڵانێكی دورودرێژی هه‌یه‌و پاڵه‌وانی هه‌ژمونی ئێرانه له عێراقداو هه‌ر به‌و هۆیه‌وه له وه‌زاره‌تی ناوخۆ چێنراوه.
به وته‌ی یاسری، جگه له به‌سری، تاران چه‌نده‌ها كه‌سی تری هه‌یه كه له ئه‌و چالاكترن و كاریان ئه‌وه‌یه له‌ناو ده‌زگا ئه‌منیه‌كاندا ئه‌فسه‌ره‌كان ڕام بكه‌ن و ئینتیمایان ڕوه‌و ئێران وه‌رگێڕن.
خاوه‌ن پێگه‌یه‌كی تایبه‌ته لای ئێران
به وته‌ی ئه‌حمه‌د یاسری، كاتێك له‌سه‌ره‌تای ساڵی ڕابوردو ئه‌بو مه‌هدی موهه‌ندیس كوژرا، ناوی به‌سری وه‌ك جێگیری ئه‌و هێنراوه.
ئه‌وه‌شی خستوه‌ته‌ڕو، به‌هۆی ئه‌وه‌ی ستراتیژیه‌تی ئه‌منی له عێراق جۆرێك له هه‌ڵاواردنی پێوه‌دیاره، ئیداره‌ی ئێرانیش ده‌یه‌وێت له ڕێگه‌ی میلیشیا چه‌كداره‌كانیه‌وه په‌لبهاوێت و فه‌رمانده‌ی میلیشیاكان له‌ناو ده‌زگا ئه‌منیه‌كاندا دابنێت و بۆ به‌رژه‌وه‌ندیه ئه‌منی و سیاسی و ته‌نانه‌ت بازرگانیه‌كانیش به‌كاریان بهێنێت.
یاسری ده‌ڵێت "له دوای شۆڕشی تشرین، ئێران كه‌ڵكه‌كه‌ڵه‌ی ئه‌وه‌یه‌تی له ده‌زگا ڕه‌سمیه‌كاندا ئه‌ڵته‌رناتیڤی میلیشیاكان دروستبكات و ده‌یه‌وێت به‌و كاره میلی پێكدادانه‌كانی نێوان چالاكوانان و گروپه چه‌كداره‌كانی سه‌ر به میلیشیاكان بۆ پێكدادانی نێوان چالاكوانان و ده‌زگاكانی ده‌وڵه‌ت وه‌ربچه‌رخێنێت".
له‌لایه‌ن خۆشیه‌وه عه‌لی جابری، نوسه‌ری عێراقی له تویته‌ر نوسیویه‌تی " ئه‌بوعه‌لی به‌سری پێشتر له‌گه‌ڵ براكه‌یدا له ساڵی 2011 به به‌رپرسیاری هه‌ڵاتنی 12 كه‌س له فه‌رمانده‌كانی داعشیان له به‌ندیخانه‌ی به‌سره تۆمه‌تباركراون، بۆ ئه‌و مه‌به‌سته لیژنه‌ی ئاسایش له ئه‌نجومه‌نی نوێنه‌ران دانیشتنێكی ئه‌نجامداو تێیدا نوری مالیكی ئاماده‌بو، له دانیشتنه‌كه‌دا بابه‌تی به‌رپرسیاریه‌تی به‌سری له هه‌ڵاتنی ئه‌و سه‌ركردانه وروژێنرا، به‌ڵام مالیكی ڕێگه‌ی نه‌دا لێكۆڵینه‌وه بكه‌ن و بابه‌ته‌كه داخرا".
به وته‌ی ئه‌و نوسه‌ره "ئه‌و 12 فه‌رمانده‌یه كه سزای له سێداره‌دانیان بۆ ده‌ركرابو، له چالاكیه‌كی نهێنیدا گوازرانه‌وه بۆ ئێران".
جابری ئاماژه‌ی به‌وه‌داوه، ئه‌گه‌ر كه‌سێك تۆمه‌تباربێت به هه‌ڵاتنی فه‌رمانده‌ی داعش و چه‌ندین تاوانی دژ به مافه‌كانی مرۆڤ، چۆن ده‌بێت به‌رپرسیاریه‌تی شانه‌ی هه‌ڵۆكانی له ئه‌ستۆدا بێت و داوای ئاشكراكردنی ته‌قینه‌وه‌كانی به‌غدای لێبكرێت؟.
هەواڵی پەیوەندیدار
2 رۆژ پێش ئێستا
ئێران: چیتر تۆڵە لە ئەمریکا ناکەینەوە و ئامادەین بۆ دانوستان
6 رۆژ پێش ئێستا
پەلەمانتارێک نهێنى راگرتنى مووچەى حەشدی شەعبی ئاشکرا دەکات
7 رۆژ پێش ئێستا
خودا ئێمەی لە چنگی ئێران ڕزگار کرد
هەواڵی زیاتر
1 رۆژ پێش ئێستا
واده‌ی دابه‌شكردنی هاوكاریه‌كه‌ی هاوپه‌یمانان بۆ هێزه‌كانی پێشمه‌رگه دیاریكرا
3 رۆژ پێش ئێستا
ئەمڕۆ ئەنجومەنی وەزیران کۆدەبێتەوە
4 رۆژ پێش ئێستا
بابەکر زێباری: یەکخستنی ھێزی پێشمەرگە لە قۆناغی کۆتاییدایە
زۆرترین بینراو
1
4 رۆژ پێش ئێستا
رۆژنامەیەک؛ بەغدادو هەولێر گەیشتونەتە رێككةوتنی سەرەتایی
2
4 رۆژ پێش ئێستا
زانیاری لەبارەی ئەو منداڵەی بە دوو رووخسارەوە لەدایک بوو
3
3 رۆژ پێش ئێستا
پشتیوان سادق: لەم ڕۆژانەدا کێشەی مووچە چارەسەر دەبێت
4
6 رۆژ پێش ئێستا
مارکۆ ڕۆبیۆ: هەڕەشەی لەسێدارەدانی سکرتێری گشتیی ئاژانسی نێودەولەتیی وزەی ئەتۆمی قبوڵ ناکرێت
5
6 رۆژ پێش ئێستا
پەلەمانتارێک نهێنى راگرتنى مووچەى حەشدی شەعبی ئاشکرا دەکات
6
4 رۆژ پێش ئێستا
یانەی مۆناکۆی فەڕەنسی گواستنەوەی ئەنسۆ فاتی بۆ ریزەکانی راگەیاند
Copyright © 2020 All Rights Reserved Designed And Developed By AVESTA GROUP