دواین هەواڵ

کوردستان‌

 18/07/2021

ئاسایشی شاره‌زور؛ حه‌وت قاچاخچی ده‌ستگیركران

  1. هەرێم نیوز
    بەڕێوەبەرایەتی ئاسایشی شارەزور دەڵێت کەسێکیان دەستگیرکردوە کە دەرمانی بە قاچاخ هێناوەتە کوردستان و شەش کەسی دیکەش کە بەدوای شوێنەواردا گەڕاون، لە چالاکییەکی دیکەدا دەستگیرکراون.

    لە راگەیەندراوەکەی ئاسایشی شارەزوردا هاتوە: " لە 13ی ئەم مانگەدا هێزه‌كانمان له‌ گوندی سۆسه‌كانی شاره‌دێی ته‌وێڵه‌ تۆمه‌تبارێكیان به‌ناوی  (ب . و . ح) به‌فه‌رمانی دادوه‌ر و به‌پێی مادده‌ی 240 ده‌ستگیركرد كه‌ ئۆتۆمۆبێلێكی بارهه‌ڵگری له‌ جۆری (توێتا لاندکرۆزەر پیكاب تاك ) پێبوه‌ و ده‌رمانی ته‌ندروستی به‌قاچاخ هه‌ڵگرتبو، دوای پشكنین ده‌ركه‌وت تۆمه‌تباره‌كه‌ بری دو ملیۆن و چوارسه‌د و حه‌فتاو پێنج هه‌زار دیناری عێراقی و هه‌زار و دوسه‌د دۆلاری ئه‌مریكی ساخته‌ و ده‌مانچه‌یه‌كی  بێ مۆڵه‌تی پێبوه‌".

    سەبارەت بە چالاکی دوەمیان رایگەیاندوە: "15ی ئەم مانگە دوای گه‌شتنی زانیاری بە هێزه‌كانمان له‌ گوندی گریانه‌، توانیان شه‌ش تۆمه‌تبار ده‌ستگیربكه‌ن كه‌ سێ له‌و تۆمه‌تبارانه‌ دانیشتوی پارێزگای سلێمانین.‌ ‌  

    تۆمه‌تباره‌كان ئامێرێکی دۆزه‌ره‌وه‌ی شوێنه‌واریان  پێبوه‌ و له‌ سنوری ئه‌و گونده‌ به‌دوای شوێنه‌واردا گه‌ڕاون، بۆیه‌ دۆسیه‌ی لێكۆڵینه‌وه‌ بۆ تۆمه‌تباره‌كان‌ كراوه‌ته‌وه‌ و لێكۆڵینه‌وه‌ به‌رده‌وامه‌".



هەواڵی پەیوەندیدار

هەواڵی زیاتر

زۆرترین بینراو


Copyright © 2020 All Rights Reserved Designed And Developed By AVESTA GROUP